Z tyktoka źnik videarolik sa zvarotam baćkoŭ daškolnikaŭ da Łukašenki. Jak vyhladaje, ničoha jany nie dabilisia
Niekalki tydniaŭ tamu žycharka ahraharadka Harščeŭščyna Tałačynskaha rajona raźmiaściła na svajoj staroncy ŭ tyktoku kalektyŭny zvarot da Alaksandra Łukašenki. Miascovyja žychary cytavali jahonyja słovy pra nieabchodnaść stvareńnia hodnych umoŭ dla žycharoŭ sielskaj miascovaści, pra zachady dla zamacavańnia kadraŭ na vioscy, i ŭ suviazi z hetym prasili nie zakryvać dziciačy sad u ichnim ahraharadku. Ale ŭ vyniku ničoha nie dabilisia, a ciapier hetaha rolika ŭ tyktoku ŭžo niama, zaŭvažyła «Viciebskaja viasna».
Jak tolki na zvarot źviarnuli ŭvahu niedziaržaŭnyja ŚMI, z «adkazam» baćkam vystupiła tałačynskaja rajonnaja hazieta. Na jaje staronkach zajavili, što miascovyja ŭłady «aptymizujuć» sistemu dziciačych ustanoŭ dla «karyści małych».
Ale naŭrad ci žycharoŭ Harščeŭščyny ŭdałosia takim čynam pierakanać u tym, što pierśpiektyva vazić małych za 18 kiłamietraŭ u susiednija Abolcy — heta sapraŭdy najlepšy varyjant. Viadoma, što niadaŭna sa svajoj prablemaj viaskoŭcy sprabavali prabicca na pryjom da deputataŭ.
Adnak, pavodle infarmacyi resursa viciebsk.live, tyja ich navat nie pryniali. Sakratarka staršyni Pałaty pradstaŭnikoŭ Ihara Sierhiejenki skazała, što pryjomu ŭ jaho nie budzie, a pamočnik deputata Pałaty pradstaŭnikoŭ Uładzimir Babičaŭ zajaviŭ, kab ludzi navat nie pryjazdžali — usio adno deputat im ničym nie dapamoža.
U videaroliku, jaki ciapier niedasiažny praź piersanalny akaŭnt, havaryłasia pra toje, što sadok u Harščeŭščynie — heta dvuchpaviarchovy cahlany budynak, dzie jość i prastornyja hulniavyja pakoi, i spartyŭnaja, i aktavaja zały. Ale dziaciej pieravodziać u škołu ŭ Abolcach, dzie dla daškolnikaŭ vydzielena ŭsiaho dva pakoi. Pry hetym u samich Abolcach — usiaho troje dziaciej daškolnaha ŭzrostu, a pieravodzić tudy źbirajucca 11 maleńkich žycharoŭ Harščeŭščyny.
Baćki zaniepakojenyja tym, što maleńkija dzieci ŭ maroz i zaviruchu pavinny čakać aŭtobus, jaki jašče nieviadoma, pryjdzie ci nie, a potym 18 kiłamietraŭ treścisia ŭ adzin bok, tamu što daroha nie zaasfaltavanaja.
U adkaz rajonnaja hazieta «Hołas Tałačynščyny» zajaviła, što vazić dziaciej u susiednija nasielenyja punkty — heta narmalnaja i šmat dzie raspaŭsiudžanaja praktyka. Rajonnyja ŭłady vyrašyli zakryć dziciačy sadok u Harščeŭščynie, kab nie ŭkładać srodki ŭ jaho biahučy ramont, bo, maŭlaŭ, heta nierentabielna.
Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km
«Navat darosłyja chacieli dałučycca». Jak biełarusy ŭ emihracyi arhanizavali letnik dla dziaciej u Biełaviežskaj puščy
Prakuratura pravodzić pravierku adnosna žorstkaha abychodžańnia ź dziećmi ŭ mahiloŭskim dziciačym sadku
U Mahilovie supracoŭnica dziciačaha sadka vychoŭvała małych, razmazvajučy im piasok pa tvarach VIDEA
Ciapier čytajuć
«Chavaješ svoj žach, bo heta škilet sa skuraj». Śviatłana Cichanoŭskaja pryznałasia, ci paznała Siarhieja praź piać hadoŭ1
Kamientary