Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška
«U dačynieńni da mianie rychtujecca pravakacyja», — zajaviŭ Pavieł Łatuška.
Padčas pres-kanfierencyi 31 lipienia Pavieł Łatuška zajaviŭ, što suprać jaho dy inšych pradstaŭnikoŭ demakratyčnych siłaŭ rychtujecca pravakacyja.
«Pavodle našych źviestak z dakładnych krynic u Biełarusi, a taksama z pramoj karespandencyi kalektyŭnaha KDB na moj adras, u dačynieńni da mianie, čalcoŭ i čaliń kamandy NAU, a taksama inšych pradstaŭnikoŭ demakratyčnych sił Biełarusi rychtujecca pravakacyja. Užyvajucca słovy: «Pačynajecca vaša źniščeńnie», «budzie nie bomba, a bombišča». Kalektyŭny KDB śćviardžaje ŭ dasłanym mnie elektronnym liście, što Łukašenka asabista pakazaŭ hetyja materyjały i navat videa śpiecpasłancu prezidenta ZŠA Kitu Kiełahu padčas ich sustrečy», — padkreśliŭ Pavieł Łatuška.
Nijakija inšyja krynicy pra pakaz Kiełahu niejkaha kampramietujučaha videa pra Łatušku ci inšych pradstaŭnikoŭ apazicyi ničoha nie paviedamlali.
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach12
Kamientary