Z 1 studzienia admieniać pošliny na impartnyja jabłyki, bulbu i morkvu
Saviet Jeŭrazijskaj ekanamičnaj kamisii vyrašyŭ z 1 studzienia vyzvalić ad uvaznoj mytnaj pošliny niekatoryja vidy płodaaharodninnaj pradukcyi. Pra heta skazana na sajcie JEEK.
Havorka idzie pra bulbu, morkvu i jabłyki, pryznačanych dla prodažu ŭ roźničnym handli abo nastupnaj pierapracoŭki.
Tak, bulbu možna pastaŭlać biaspošlinna ŭ Rasiju, ale nie bolš za 150 tys.ton. Na Biełaruś hetaja lhota nie raspaŭsiudžvajecca.
Morkvu možna pastaŭlać biez mytnych pošlin jak na rasijski rynak (nie bolš za 55 tys.ton), tak i na biełaruski (nie bolš za 5 tys. ton).
Raspaŭsiudžvajecca lhota i na impartnyja jabłyki. Biez pošlin u Rasiju dazvolili pastavić nie bolš za 230 tys. ton, a ŭ Biełaruś — nie bolš za 20 tys. ton.
Ilhota budzie dziejničać z 1 studzienia pa 31 lipienia 2025 hoda, h.zn. u mižsiezońnie.
Pa słovach ministra pa handli JEEK Andreja Ślapniova, «u pieryjad mižsiezońnia na rynku płodaaharodniaj pradukcyi adznačajuć istotnyja vahańni spažyvieckich cen». Heta źviazana ŭ tym liku sa skančeńniem zapasaŭ tavaraŭ ajčynnaj vytvorčaści. Lhotu vyrašyli ŭvieści z ulikam mienšaha zboru ŭradžaju ŭ hetym hodzie.
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia7
Kamientary