Mahiloŭcu ŭ abmieńniku pamyłkova vydali lišnija hrošy — jon zrabiŭ vyhlad, što tak i treba
Historyja adbyłasia z 54-hadovym žycharom Mahilova, jaki da hetaha nikoli nie traplaŭ u pole zroku milicyi.
Mužčyna pryjšoŭ u abmieńnik, kab kupić 400 dalaraŭ. Kasirka abmieńnika praviała apieracyju, ale pamyliłasia ŭ kolkaści kupiur, vydaŭšy sumu ŭ dva razy bolšuju, čym pavinna była.
Klijent nie moh nie zaŭvažyć taki «bonus», ale vyrašyŭ zrabić vyhlad, što ŭsio ŭ paradku: skłaŭ hrošy ŭ sumku i pajšoŭ, paviedamlaje «Mahiloŭ. Anłajn».
Znajści mužčynu, jaki prysvoiŭ lišnija hrošy, nie skłała ciažkaści. Na mahiloŭca zaviali kryminalnuju spravu.
Mužčyna da apošniaha nastojvaŭ na svaim, śćviardžajučy, što prosta nie zaŭvažyŭ lišnija hrošy, ale dokazy byli nie na jaho karyść.
U vyniku jaho sudzili i pryznačyli pakarańnie ŭ vyhladzie štrafu 3600 rubloŭ.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary