Premjer Hruzii nazvaŭ zatrymanych na pratestach rasijan i brytanca «instruktarami, jakija rychtavali radykałaŭ»
Iraklij Kabachidze prakamientavaŭ zatrymańnie dziesiaci zamiežnikaŭ na akcyi pratestu ŭ Tbilisi.
Premjer-ministr Hruzii raskazaŭ, što na pratestach byli zatrymanyja hramadzianie Rasii i Vialikabrytanii. Kabachidze vykazaŭ viersiju, što jany byli instruktarami, jakija nibyta dapamahali arhanizoŭvać pratesty, piša «Interfaks».
«Byli zatrymanyja hramadzianie Rasii, jakija prajavili hvałt u adnosinach da pradstaŭnikoŭ pravaachoŭnych orhanaŭ, i hramadzianin Vialikabrytanii, jaki niezakonna ŭvarvaŭsia ŭ budynak parłamienta.
Mahčyma, my majem spravu z zamiežnymi instruktarami, jakija instruktavali radykałaŭ na akcyi, ale ja nie budu apiaredžvać padziei, heta sprava śledstva», — zajaviŭ Kabachidze.
Jon zaklikaŭ śledstva razabracca, ź jakoj metaj rasijskija hramadzianie i hramadzianin Vialikabrytanii prybyli ŭ Hruziju.
Napiaredadni hruzinskija ŚMI raspaŭsiudzili infarmacyju ab zatrymańni palicyjaj na akcyjach pratestu suprać admovy ad jeŭraintehracyi ŭ Tbilisi dziesiaci zamiežnych hramadzian.
Siarod zatrymanych jość i hramadzianin Biełarusi Jaŭhien Muravicki .
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami1
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary