Na vychadnyja Donald Tramp upieršyniu paśla vybaraŭ prylacić u Jeŭropu
Nahodaj dla pryjezdu stanie adkryćcio paryžskaha sabora Notr-Dam, jaki piać hadoŭ tamu paciarpieŭ ad pažaru. «Heta budzie asablivy dzień dla ŭsich!» — napisaŭ Tramp u sacyjalnych sietkach.
«U subotu ja pajedu ŭ Paryž, kab prysutničać na adkryćci raskošnaha histaryčnaha sabora Notr-Dam, jaki byŭ całkam adnoŭleny paśla razburalnaha pažaru piać hadoŭ tamu», — napisaŭ Tramp na svajoj staroncy Truth Social.
Pry hetaj nahodzie jon pachvaliŭ i francuzskaha prezidenta:
«Prezident Emanuel Makron zrabiŭ vydatnuju pracu pa zabieśpiačeńni taho, kab Notr-Dam byŭ adnoŭleny ŭ poŭnym roskvicie i navat bolš. Heta budzie asablivy dzień dla ŭsich!»
Prybyćcio ŭ Paryž stanie pieršym zamiežnym vizitam Trampa paśla pieramohi na prezidenckich vybarach u listapadzie. Pry hetym hety vizit davoli niečakany, bo raniej hazieta Le Parisien paviedamlała, što Tramp nie budzie prysutničać na cyrymonii adkryćcia sabora. Heta było źviazana ŭ tym liku sa składanymi adnosinami pamiž Trampam i Makronam.
«Kali Tramp bałatavaŭsia na pieravybrańnie ŭ hetym hodzie, jon časta vyśmiejvaŭ Makrona na pieradvybarnych mitynhach, imitujučy jaho akcent i pahražajučy ŭvieści vysokija taryfy na vino i šampanskaje, impartavanyja ŭ ZŠA, kali Francyja pasprabuje abkłaści padatkam amierykanskija kampanii», — adznačaje ahienctva AP, adznačajučy, adnak, što paśla pieravybrańnia Trampa Makron byŭ adnym ź pieršych suśvietnych lidaraŭ, jakija pavinšavali jaho ź pieramohaj u honcy za Bieły dom.
Sabor Notr-Dam adkryjecca ŭ vychadnyja paśla piacihadovaj rekanstrukcyi paśla pažaru 2019 hoda. 8 śniežnia ŭ 10.30 u Notr-Damie adbudziecca pieršaja imša, jakuju adpravić arcybiskup Paryžski Łaran Ulrych.
Tramp dabivajecca bolš vyhadnaha handlu nie tolki ad Kitaja, ale i ad Kanady
Tramp paabiacaŭ «žorstkuju raspłatu» CHAMAS, kali izrailskija zakładniki nie buduć adpuščanyja da ŭstupleńnia jaho na pasadu
Tramp pryznačyŭ pasłom u Francyi Čarlza Kušniera. Jaho maci arhanizavała znakamityja ŭcioki z hieta ŭ Navahrudku
«Mohuć pajści i znajści inšaha łocha!» Tramp pieraściaroh BRIKS ad sprobaŭ uvieści ŭłasnuju valutu
Kamientary