U Klimavičach miascovy likiora-harełačny zavod rekłamavaŭ svaju vytvorčaść u škole
U siaredniaj škole №3 horada Klimavičy dla staršakłaśnikaŭ prajšło «prafaryjentacyjnaje mierapryjemstva», na jakim raskazali, jakuju dobruju pradukcyju vyrablaje AAT «Klimavicki likiora-harełačny zavod», zaŭvažyŭ Mayday.team.
Pra pradpryjemstva raskazvaŭ namieśnik hiendyrektara pa ahulnych pytańniach i ideałahičnaj rabocie Anatol Alaksiejeŭ. Padletki paznajomilisia z historyjaj zavoda, jaho abstalavańniem i pradukcyjaj, što jon vypuskaje.
Pradstaŭnica adździeła kadraŭ pradpryjemstva raskazała, jakija śpiecyjalisty na zavodzie ciapier patrebnyja. Pradpryjemstva ŭžo ciapier prapanuje achvotnym vyznačycca z budučym miescam pracy i, mahčyma, zaklučyć metavuju damovu, kab harantavana tam uładkavacca.
Pry hetym aficyjny sajt Klimavickaha ŁHZ, jak taho patrabuje zakanadaŭstva, papiaredžvaje, što źmiaščaje infarmacyju, nie rekamiendavanuju asobam, jakija nie dasiahnuli 18-hadovaha ŭzrostu.
Kamientary