21-hadovuju dziaŭčynu z Baranavičaŭ sudziać pa čatyroch palityčnych artykułach
Hańnie Kurys pahražaje da piaci hadoŭ kałonii.
Hańnie Kurys 21 hod. Jana rodam z Baranavičaŭ.
Tam skončyła škołu, a paśla pastupiła ŭ Baranavicki dziaržaŭny ŭniviersitet na śpiecyjalnaść «vykładańnie sučasnych zamiežnych movaŭ», daviedaŭsia dla «Našaj Nivy» BELPOL.
Viadoma, što ŭ lipieni 2023 hoda Hannu sadžali na sutki za raspaŭsiud «ekstremisckich materyjałaŭ».
Hannu sudziać u Bresckim abłasnym sudzie. Jaje abvinavačvajuć u «raspalvańni varožaści» (č. 1 art. 130 KK), «dyskredytacyi Biełarusi» (art. 369-1 KK), «abrazie Łukašenki» (č. 1 art. 368 KK) i «ździeku ź dziaržaŭnych simvałaŭ» (art. 370 KK). Za heta dziaŭčynie pahražaje da piaci hadoŭ kałonii sa štrafam.
Sudzić jaje Mikałaj Siańko. Z 2021 hoda jon razhledzieŭ bolš za 30 palityčna matyvavanych kryminalnych spraŭ.
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spraŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆCiapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary