KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»

U śpis terarystaŭ, jaki viadzie KDB, unosiać nie tolki niebiaśpiečnych złačyncaŭ z hrupovak, pryznanych śvietam terarystyčnymi, ale i palitviaźniaŭ i praciŭnikaŭ režymu. Naprykład, u śpisie jość stvaralnik prajekta «Biełaruski Hajun» Anton Matolka, palityčny ahladalnik Juryj Drakachrust, žurnalistka Volha Łojka, daradca Cichanoŭskaj Franak Viačorka.

U mietaźviestkach fajła, jaki apublikavaŭ telehram-kanał KDB, čałaviek, jaki stvaryŭ śpis «terarystaŭ», paznačany jak Alaksiej Pravatoraŭ. Pa źviestkach prajekta Digital intelligence team, jamu 40 hadoŭ. Jon naradziŭsia ŭ Minsku, ciapier žyvie ŭ Minskim rajonie.

Paśla škoły Pravatoraŭ atrymaŭ vyšejšuju adukacyju, a paralelna pracavaŭ na Minskim zavodzie šaścierań.

Mužčyna doŭhi čas pracavaŭ u halinie adukacyi — u 24-j himnazii ŭ Minsku, va ŭpraŭleńni adukacyi administracyi Partyzanskaha rajona stalicy, u Minskim humanitarna-linhvistyčnym kaležy, Minskim dziaržaŭnym vyšejšym radyjotechničnym kaledžy i ŭ Minskim dziaržaŭnym linhvistyčnym univiersitecie.

A paśla 2012 hoda pierajšoŭ pracavać va ŭpraŭleńnie KDB pa Minsku i Minskaj vobłaści, jakoje ŭ bazach nazyvajecca vajskovaj čaściu № 53890.

Pavialičyć

Čałavieka, jaki paznačany jak aŭtar apošniaha źmianieńnia śpisa «terarystaŭ», kličuć Alaksandr Antanovič. Pa źviestkach Digital intelligence team, heta 51-hadovy ŭradženiec Minska, jaki doŭhi čas žyŭ va Ukrainie (mahčyma, tam pracavali jaho baćki). U 1997 hodzie atrymaŭ biełaruskaje hramadzianstva.

U Antanoviča jość słužbovy i dypłamatyčny pašparty. Jon vychadziec z elitnaha padraździaleńnia KDB, z 1990-ch i jak minimum pa 2006 pracavaŭ va ŭpraŭleńni vajennaj kontrraźviedki KDB (mahčyma, pa 2016 — u bazach z 2006 pa 2016 adździeł nie kankretyzujecca).

Hetaje ŭpraŭleńnie zajmajecca «abaronaj uzbrojenych siłaŭ ad źniešnich i ŭnutranych faktaraŭ, jakija ŭpłyvajuć na zdolnaść vykonvać zadačy i padtrymlivać bajavuju hatoŭnaść vojskaŭ». Karaciej kažučy, sočyć za vajskoŭcami.

Nie paźniej za 2016 hod jon pierajšoŭ na pracu ŭ centralny aparat KDB. Nieviadoma, što ŭvachodzić u śpiektr zadač Antanoviča, ale vidavočna, što jon zajmajecca ŭ tym liku i represijami suprać biełarusaŭ.

Mužčyna niekalki razoŭ lataŭ pa dypłamatyčnym pašparcie ŭ roznyja krainy Jeŭropy — naprykład, Hiermaniju, Francyju, Ukrainu, Polšču, Aŭstryju, Litvu dy Łatviju. A ŭ 2010 i 2011 hadach jeździŭ pa słužbovych spravach u Livan.

U volny čas Antanovič zajmajecca palavańniem — u telehramie jon u šmatlikich tematyčnych hrupach.

• 9
• 0
• 31
• 5
• 0
• 0
• 32
• 0