Milicyjant, jaki viadzie kanał viciebskaha HUBAZiKa, vypadkova vydaŭ siabie
Jahonaja reakcyja na samavykryćcio — krasamoŭniejšaja za lubyja słovy.
7 listapada ŭ 15:13 u kanale viciebskaha HUBAZiKa «Paŭnočnaja stalica» źjaviłasia videapaviedamleńnie, jakoje było vydalenaje praź siekundu. Administratar kanała źniaŭ siabie, paśla zrazumieŭ, što robić, i vydaliŭ paviedamleńnie. Reakcyja mužčyny na vypadkovuju deananimizacyju kaža sama za siabie.
Chto ž hety administratar? Milicyjanta, jakija vykryŭ siabie, kličuć Andrej Prystaŭka. Jamu 33 hady, i jon ź Viciebska.
Andrej doŭhi čas pracavaŭ u adździele pa narkakantroli i supraćdziejańni handlu ludźmi Pieršamajskaha RAUS h. Viciebska. Pa źviestkach supołki «Karniki Biełarusi», paśla vybaraŭ 2020 hoda jon pierakvalifikavaŭsia na palityčnyja spravy. I, padobna, paśla pierajšoŭ u HUBAZiK.
Prystaŭka zachaplajecca spartovaj stralboj ź pnieŭmatyčnaj zbroi. Jon rehularna atrymlivaje pryzavyja miescy pa hetaj dyscyplinie na čempijanatach u Viciebsku.
Adznačym, što kanał viciebskaha adździaleńnia HUBAZiK — adzin z najmienš brutalnych. Videa z zatrymanymi tam užo daŭno vykładalisia bieź ichnich tvaraŭ i sa źmienienym hołasam, a kantent u asnoŭnym składajecca z repostaŭ ź inšych dziaržaŭnych kanałaŭ.
Bolšaść kanałaŭ HUBAZiKa ŭjaŭlajuć saboj prapahandu fašyzoidnaha tołku, niaredka raspalvajuć varožaść i smakujuć ździeki ź ludziej.
«Naša Niva» — bastyjon biełaruščyny
PADTRYMAĆCiapier čytajuć
Ź Ministerstva kultury zvolnili pieršaha namieśnika Markava1
Kamientary
Mirhni dva razf, kali čytaješ heta