Žurnalistku abvinavacili pavodle čatyroch kryminalnych artykułaŭ.
10 śniežnia sudździa Minskaha haradskoha suda Viera Hałaŭkova vyniesła vyrak žurnalistcy Volzie Radzivonavaj — 4 hady pazbaŭleńnia voli z adbyćciom u papraŭčaj kałonii ahulnaha režymu, piša BAŽ.
Volhu Radzivonavu abvinavacili pavodle:
- častak 1 i 2 artykuła 367 KK RB — «Paklop u dačynieńni da Łukašenki»,
- artykuła 369-1 KK RB — «Dyskredytacyja Respubliki Biełaruś»,
- častki 1 artykuła 130 KK RB — «Raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varažniečy»,
- častki 1 artykuła 368 KKRB — «Abraza Łukašenki».
Volhu Radzivonavu zatrymali 7 sakavika 2024 hoda. Viadoma, što padčas utrymańnia ŭ SIZA № 1 jaje nakiroŭvali na psichijatryčnuju ekśpiertyzu ŭ lakarniu ŭ Navinkach.
Chvoraja maci Volhi Radzivonavaj, jakoj bolš za 80 hadoŭ, maje patrebu ŭ pastajannym dohladzie.
Volha Radzivonava pracavała da 2020 hoda ŭ KYKY.org, pieravažna dla rubryki «Bol», taksama supracoŭničała ŭ jakaści fryłansierki ź biełaruskimi i zamiežnymi miedyja.
30 kastryčnika 2024 hoda pravaabarončaja supolnaść pryznała Volhu Radzivonavu palitźniavolenaj.
Kamientary