Aryštavany dom Capkałaŭ znoŭ pasprabujuć pradać na tarhach. Canu značna źnizili
Aryštavany dom Valeryja Capkały ŭžo sprabavali pradać, ale tady pakupnikoŭ nie znajšłosia.
Na tarhi znoŭ vystavili aryštavany dvuchpaviarchovy dom Valeryja Capkały. Aŭkcyjon pavinien adbycca 15 studzienia.
Dom № 7 na vulicy Ciapličnaj u Minsku vystaŭleny na tarhi razam ź ziamielnym učastkam płoščaj 0,1411 ha. Ahulnaja płošča budynka składaje 418,3 m2. U skład łota taksama ŭvachodzić raznastajnaja majomaść, uklučajučy meblu, bytavaja technika i pradmiety interjeru.
Startavaja cana na placoŭcy «Bielurazabieśpiačeńnia» ŭstanoŭlena na ŭzroŭni 1 683 200 rubloŭ, zadatak — 168 320 rubloŭ. Košt značna źnizili ŭ paraŭnańni ź pieršymi tarhami, jakija nie adbylisia praz adsutnaść Achvotnych: u kancy listapada startavy košt byŭ składaŭ 2 104 000 rubloŭ.
U krasaviku z druhoha razu na aŭkcyjonie pradali aryštavanuju trochpakajovuju kvateru Capkałaŭ u Minsku. Nieruchomaść ahulnaj płoščaj 103,7 kv.m ź miescam na padziemnym parkinhu pajšła z małatka za 395,7 tysiačy rubloŭ.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary