U Minsku zatrymali dyrektara meblevaj kampanii, jakaja pracavała na rynku 15 hadoŭ. Vinavaciać u stvareńni piramidy
U milicyju źviarnulisia hramadzianie, jakija zakazali kuchonnyja harnitury ŭ staličnaj kampanii i ŭnieśli pieradapłatu. Adnak u abumoŭlenyja terminy jany tak i nie atrymali svaje zakazy, paviedamlaje pres-słužba MUS.
Jak paviedamlajecca, heta kampanija kala 15 hadoŭ paśpiachova pracavała na meblevym rynku. Adnak z kanca minułaha hoda ŭ pradpryjemstva pačalisia finansavyja i vytvorčyja prablemy. Niahledziačy na heta, kiraŭnik praciahvaŭ prymać novyja zakazy, navat kali kampanija ŭžo nie paśpiavała vykonvać raniejšyja, a častka abstalavańnia złamałasia.
Jak miarkuje śledstva, utvoranyja daŭhi dyrektar sprabavaŭ pakryvać za košt hrošaj novych klijentaŭ, vykarystoŭvajučy schiemu, padobnuju da finansavaj piramidy.
Ahulnaja suma škody, naniesienaj paciarpiełym, na hety momant pieravyšaje 1 miljon rubloŭ.
Śledčyja raspačali kryminalnuju spravu, kiraŭnika kampanii zatrymali. Supracoŭniki kryminalnaha vyšuku praciahvajuć pravierku ŭsich zvarotaŭ.
Miarkujučy pa kadrach ź videa MUS i abmierkavańniach u sacyjalnych sietkach, havorka idzie pra kampaniju «Kuchni Čery», piša vydańnie Office Life. Na jaje staroncy ŭ Instagram ciapier paznačana, što z 1 vieraśnia firma znachodzicca ŭ stadyi likvidacyi. Likvidataram pryznačana TAA «Liksałt».
Pradstaŭniki kampanii taksama apublikavali paviedamleńnie, u jakim zajavili, što «epocha «Čery» skončyłasia», i paprasili prabačeńnia ŭ klijentaŭ.
Pavodle ich słoŭ, supracoŭniki kampanii na praciahu mnohich miesiacaŭ nie atrymlivali zarobkaŭ, ale praciahvali pracavać, vykonvać abaviazacielstvy pierad klijentami i spadziavacca, što situacyju jašče možna budzie vypravić. Ciapier sami rabotniki taksama akazalisia siarod paciarpiełych.
U sacyjalnych sietkach paviedamlajuć, što prablemy mahli zakranuć bolš za sotniu klijentaŭ kampanii.
Zapłacili 8000 dalaraŭ za pucioŭku — i atrymali kašmar. Jak biełarusy źjeździli ŭ Turcyju ŭ piacizorkavy hatel
U Minsku spynili dziejnaść finansavaj piramidy, jakaja isnavała čatyry hady
U Minsku zatrymali arhanizatara finansavaj piramidy, jaki za dva hady ŭźbiŭsia na 750 tysiač dalaraŭ
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert
Ciapier čytajuć
Ź psichbalnicy źbieh były načalnik Hancavickaj milicyi14
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary