Instytut Minekanomiki: Sankcyi prama zakranajuć čverć ekanomiki Biełarusi
Asnoŭny ŭdar pryjšoŭsia na pramysłovyja haliny i vałaŭtvaralnyja pradpryjemstvy
U dačynieńni da Biełarusi dziejničaje 1 499 siektaralnych i piersanalnych sankcyj, havorycca ŭ artykule staršaha navukovaha supracoŭnika NDI Ekanamičnaha instytuta Minekanomiki Natalli Hančaryk «Ci jość žyćcio pad sankcyjami?» u śniežańskim numary časopisa «Finansy. Ulik. Aŭdyt», piša «Pozirk».
Udakładniajecca, što ź ich 711 uviedziena «paśla lutaha 2022 hoda». Ahulnaja kolkaść subjektaŭ u krainie, jakija trapili pad sankcyi, — 298: 261 fizičnaja asoba i 37 jurydyčnych asob.
Sa spasyłkaj na mižnarodnyja servisy adznačajecca, što Biełaruś uvachodzić u siamiorku dziaržaŭ z maksimalnaj kolkaściu ŭviedzienych sankcyj: jaje apiaredžvajuć Rasija (bolš za 22 tys.), Iran (5,3 tys.), Siryja (2,9 tys.) i Paŭnočnaja Kareja (2,2 tys.), zzadu — Mjanma (bolš za 1 tys.) i Vieniesueła (748).
«Pramoje ŭździejańnie abmiežavańniaŭ zakranuła kala 25% biełaruskaj ekanomiki i ŭskosna adbiłasia na ŭsioj astatniaj jaje častcy», — havorycca ŭ artykule.
«Asnoŭny ŭdar pryjšoŭsia na pramysłovyja haliny i vałaŭtvaralnyja pradpryjemstvy», — adznačajecca ŭ materyjale.
Praz realny siektar prablemy «pieraciakajuć u sumiežnyja haliny, asabliva ŭ aptovy handal i hruzapieravozki».
Pavodle źviestak Hančaryk, sankcyi zakranuli kala 70% ekspartu ŭ Jeŭrasajuz, abo amal 17% pastavak tavaraŭ za miažu: «Uviadzieńnie barjeraŭ vyklikała nieabchodnaść pošuku novych rynkaŭ zbytu i šlachoŭ dastaŭki kalijnych uhnajeńniaŭ, naftapraduktaŭ, pradukcyi drevaapracoŭki».
Heta nazvana «vynikam pierafarmatavańnia palityčnych adnosin» [z Zachadam].
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma4
Kamientary
Čas na našym baku.