«Hrabuć vazkami». U Viciebsku pradprymalniki sa zharełaha handlovaha centra pradajuć vyratavany tavar na vulicy
Ludziej, jakija hatovyja sa źnižkaj nabyć vyratavany paśla pažaru ŭ viciebskim handlovym centry «Biełaruś» tavar, davoli šmat.
Videa sa stychijnaha rasprodažu na vulicy Akademika Paŭłava apublikavaŭ u instahramie akaŭnt «NIEtypovy Viciebsk».
U roliku bačna, što niekatoryja rečy (naprykład, dziciačyja cacki i kofty) lažać prosta na cełafanie, jakim zaścialili asfalt. Pobač stajać i viešaki ź dziciačaj vopratkaj.
Kupcoŭ na niezvyčajnym rasprodažy niamała: vidavočna, što handal idzie aktyŭna. Niechta ahladvaje rečy, niechta prymiaraje abutak, a niechta ŭžo pakuje nabytaje ŭ vialikija pakiety.
U aŭtara videa pacikavilisia, jakija ž tam ceny. Čałaviek, jaki viadzie hetuju staronku ŭ instahramie, adkazaŭ: «Ceny krychu nižejšyja, čym na Połackim rynku, pa zakupcy pradajuć». Jon taksama ŭdakładniŭ, što ad tavaru pachnie dymam. Jašče adna kamientatarka dadała: «Ludzi hrabuć vazkami. Kurtki zimovyja pa 30 rubloŭ, sama bačyła, jak žančyna raspłačvałasia».
U nastupnaj publikacyi aŭtar chvalujecca, ci biaśpiečna nabyvać i nasić vopratku, jakaja pieražyła pažar. Mierkavańni kamientataraŭ padzialilisia. Adnyja stali na bok pradprymalnikaŭ, jakim treba choć niejak viarnuć hrošy. Jany taksama kazali ab tym, što darosłyja ludzi sami mohuć vyrašyć, ci chočuć ryzykavać dziela ekanomii. Inšyja ž aburalisia tym, jak šmat viciebčukoŭ hatovyja nabyvać rečy z pažaru.
Hučała krytyka i ŭ bok miascovych uładaŭ, jakija mahli b arhanizavać cyvilizavanaje pamiaškańnie dla takoha rasprodažu ci chacia b vydać namioty dla handlu.
Pišuć, što «dymny kirmaš» praciahniecca 6 dzion.
Nahadajem: bujny pažar u HC «Biełaruś» u Viciebsku adbyŭsia ŭviečary 13 śniežnia. Pažarnyja tušyli jaho niekalki hadzin.
Ahulnaja kolkaść paciarpiełych skłała 20 čałaviek. Abhareły budynak u centry horada, chutčej za ŭsio, adnaŭlać nie buduć, a prosta źniasuć.
Papiaredniaj pryčynaj pažaru nazvali niajakasna zroblenuju pravodku, niaspraŭnaść jakoj pryviała da pierahruzki sistemy i karotkaha zamykańnia.
Ci dapamohuć ułady pradprymalnikam, jakija paciarpieli ad pažaru, nie vielmi zrazumieła. Staršynia Viciebskaha abłvykankama Alaksandr Subocin u efiry telekanała ANT kazaŭ, što «chaciełasia b dapamahčy tym, chto ŭ hetym realna maje patrebu», ale pry hetym abvinavaciŭ pradprymalnikaŭ u pierabolšvańni nastupstvaŭ pažaru.
Adnaho z paciarpiełych arandataraŭ HC «Biełaruś» u Viciebsku na hetym tydni kidali na paru sutak u izalatar
«Hetaja krama — moj adziny biznes». Što havorać rabotniki handlovaha centra, jaki na tym tydni zhareŭ u Viciebsku
«Niekatoryja viciablanie pavodzili siabie vielmi hodna». Śviedki pažaru ŭ handlovym centry padzialilisia ŭražańniami
MNS: Uładalnik zharełaha HC u Viciebsku nie likvidavaŭ raniej vyjaŭlenyja parušeńni
Paciarpiełuju na pažary ŭ viciebskim HC pieravieźli ŭ Minsk
Siarod zatrymanych pa spravie pažaru ŭ viciebskim handlovym centry, vierahodna, jahony ŭładalnik
Šmat draŭlanych kanstrukcyj. Čamu ŭskładniałasia tušeńnie pažaru ŭ HC «Biełaruś» u Viciebsku
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary