Siarod zatrymanych pa spravie pažaru ŭ viciebskim handlovym centry, vierahodna, jahony ŭładalnik
Viciebskija rehijanalnyja vydańni źviarnuli ŭvahu, što adzin z zatrymanych pa spravie pažaru ŭ handlovym centry «Biełaruś» u Viciebsku 13 śniežnia vonkava vielmi padobny da ŭładalnika hetaha centra Viktara Vialuhi.
Na apieratyŭnym videa zatrymańnia fihuruje čałaviek u kajdankach, apranuty ŭ tuju ž vopratku, što i ŭładalnik hetaha i inšych viciebskich handlovych centraŭ Viktar Vialuha padčas naviedvańnia pažaryšča.
Choć siłaviki zabluryli tvar zatrymanaha, źniešni vyhlad astatniaj častki cieła mužčyny taksama vielmi nahadvaje Viktara Vialuhu. Vidać, akurat jaho mohuć rabić hałoŭnym padazravanym.
Praź dzień paśla pažaru Viktar Vialuha kamientavaŭ situacyju ź im, pryjechaŭšy na pažaryšča:
«Zdaryłasia vialikaja biada, adbyłosia ŭzharańnie, pryčynu budzie vyznačać užo śledstva. Usie arandatary pavinny supakoicca, my zrobim usio nieabchodnaje, kab ludzi nie zastalisia biez mahčymaści pracavać. Kamuści buduć dadzienyja ŭ najbližejšy čas miescy ŭ inšych handlovych centrach», — kazaŭ jon.
Pavodle Vialuhi, u handlovym centry budzie pravodzicca ramont.
«Paśla ramontu, naturalna, usie zmohuć viarnucca na svaje pracoŭnyja miescy, — zapeŭniŭ jon. — Pa materyjalnych kaštoŭnaściach my niejkim čynam budziem vyrašać, kab pajści nasustrač i zrabić abo nadańnie biez arendy pamiaškańniaŭ, abo kampiensavać. Ale heta treba ŭsio hladzieć».
Adnak ža kiraŭnik administracyi Łukašenki Dźmitryj Kruty siońnia ŭ Viciebsku zajaviŭ, što abhareły budynak handlovaha centra najchutčej buduć nie ramantavać, a znosić.
Jak vyhladaje ŭnutry handlovy centr u Viciebsku paśla pažaru FOTY
Nazva ad kinateatra, vyhlad ad aŭtara viciebskaj piramidy, na vierchnim paviersie — dzieci. Što viadoma pra handlovy centr, jaki hareŭ u Viciebsku
Zatrymali padazravanych u parušeńni pažarnaj biaśpieki ŭ HC «Biełaruś» u Viciebsku
HC «Biełaruś» u Viciebsku, dzie byŭ mocny pažar, padumvajuć źnieści
Što ciapier z paciarpiełymi na pažary ŭ viciebskim handlovym centry
Kamientary
RB 20-ch: spačatku padpał majomaści, zatym abvinavačvańnie ŭłaśnikaŭ ŭ niadbajnym karystańni i pasadka ŭ turmu.
Vučań pieraŭzyšoŭ nastaŭnika.
P.s. Oho, dva pa 8 - navat spam-filtr padkazvaje što tut da čaho!
zdanijeziemielnyj učastok, poetomu płochi dieła.Nik i Majk .