Šmat draŭlanych kanstrukcyj. Čamu ŭskładniałasia tušeńnie pažaru ŭ HC «Biełaruś» u Viciebsku
«Paciarpiełych užo 16. Try było ciažkija, ź ich dva ciažkija za košt atručvańnia čadnym hazam i dymam. Vielmi šmat parezaŭ, kali ludzi sami sprabavali vybracca i raźbivali akno», — adznačyŭ Alaksandr Subocin.
Pra stan paciarpiełych i čym uskładniałasia praca ratavalnikaŭ pry likvidacyi pažaru ŭ HC «Biełaruś», jaki adbyŭsia ŭ Viciebsku 13 śniežnia, žurnalistam raspavioŭ staršynia Viciebskaha abłvykankama Alaksandr Subocin, piša BiełTA.
Kiraŭnik rehijona abmalavaŭ situacyju z paciarpiełymi. «Paciarpiełych užo 16. Try było ciažkija, ź ich dva ciažkija za košt atručvańnia čadnym hazam i dymam. Vielmi šmat parezaŭ, kali ludzi sami sprabavali vybracca i raźbivali akno», — adznačyŭ Alaksandr Subocin.
Jon dadaŭ, što paciarpieli taksama dva vyratavalniki, ale ich žyćciu ŭžo ničoha nie pahražaje.
Staršynia abłvykankama padkreśliŭ, što ŭ pažarnych była niaprostaja praca. «Dzieści da nočy pažar byŭ zatušany. Uskładniałasia tym, što tam było vielmi šmat draŭlanych kanstrukcyj, vielmi šmat płastyka», — raspavioŭ Alaksandr Subocin.
Učora na likvidacyi pažaru, jaki achapiŭ 2 tysiačy kvadratnych mietraŭ, pracavali 90 rabotnikaŭ MNS i 21 adzinka śpiectechniki. Pryčyna i abstaviny zdareńnia vyśviatlała apieratyŭna-śledčaja hrupa.
Paśla pažaru ŭ handlovym centry Viciebska miedycynskaja dapamoha spatrebiłasia 15 paciarpiełym
Pažar u viciebskim handlovym centry likvidavali, spatrebiłasia čatyry z pałovaj hadziny
Nazva ad kinateatra, vyhlad ad aŭtara viciebskaj piramidy, na vierchnim paviersie — dzieci. Što viadoma pra handlovy centr, jaki hareŭ u Viciebsku
«Ačahoŭ, jak my bačym, niekalki». Strašna hareŭ handlovy centr u Viciebsku VIDEA
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe27
Kamientary