The New York Times sa spasyłkaj na amierykanskich čynoŭnikaŭ piša, što Ukraina abmiažoŭvaje prymianieńnie rakiet ATACMS z-za vyčarpańnia zapasaŭ i vierahodnaj źmieny palityki novaabranaha prezidenta ZŠA Donalda Trampa adnosna dazvołu na ŭdary ŭhłyb Rasii
Vydańnie paviedamlaje, što viasnoj Złučanyja Štaty pieradali Ukrainie kala 500 rakiet ATACMS sa składoŭ Pientahona.
Pieršapačatkova Ukraina nia mieła dazvołu vykarystoŭvać hetyja rakiety dla ŭdaraŭ pa terytoryi Rasii, tamu jany ŭžyvalisia dla parazy metaŭ na akupavanych terytoryjach, u pryvatnaści ŭ Krymie.
Adnak u siaredzinie listapada administracyja prezidenta ZŠA Džo Bajdena dazvoliła Kijevu vykarystoŭvać hetyja rakiety dla ŭdaraŭ uhłyb terytoryi RF. Vydańnie adznačaje, što na toj momant va Ukrainy zastavałasia tolki tolki «dziasiatki rakiet» — vierahodna, kala 50, piša «Ukrainskaja praŭda»
Jak piša The New York Times sa spasyłkaj na dvuch amierykanskich čynoŭnikaŭ, mahčymaści atrymać dadatkovyja rakiety byli faktyčna vyčarpanyja. Abmiežavanyja zapasy hetaha ŭzbrajeńnia ŭžo byli nakiravany dla vyrašeńnia patrebaŭ u rehijonach Blizkaha Uschodu i Azii.
U Vialikabrytanii, jakaja paśla rašeńnia Bajdena taksama dazvoliła Ukrainie vykarystoŭvać svaje dalnabojnyja rakiety Storm Shadow na terytoryi Rasii, niadaŭna zajavili, što ich zapasy hetych rakiet taksama vielmi abmiežavanyja.
Taksama vydańnie adznačaje, što situacyju naŭrad ci źmienić Donald Tramp, jaki niadaŭna zajaviŭ u intervju Time, što jon kateharyčna nie zhodny z vykarystańniem Ukrainaj rakiet ATACMS na terytoryi Rasiei. Tramp nazvaŭ rašeńnie administracyi Bajdena dać hetyja rakiety «durnym».
Na nastupny dzień Kreml adreahavaŭ, zajaviŭšy, što pazicyja Trampa «całkam supadaje» z pohladami Maskvy.
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary