Źmienšyłasia kolkaść ukraincaŭ, jakija hatovyja tryvać vajnu stolki, kolki spatrebicca
Ale heta kolkaść pa-raniejšamu vialikaja. Vyniki śviežaha apytańnia.
Kolkaść ukraincaŭ, jakija hatovyja tryvać vajnu stolki, kolki spatrebicca, mienšaje. Kali ŭ pačatku 2024 hoda ich było 73%, to ŭ kancy — 57%.
Takija vyniki pakazała apytańnie Kijeŭskaha mižnarodnaha instytuta sacyjałohii, praviedzienaje ŭ śniežni 2024 hoda.
«Ad pačatku ŭvarvańnia da lutaha 2024 hoda situacyja praktyčna nie mianialisia: stabilna blizu 71-73% adkazvali, što jany hatovyja tryvać vajnu stolki, kolki spatrebicca (i jašče 2-3% kazali pra 1 hod). U hety ž pieryjad pra bolš karotki ŭłasny zapas tryvałaści (niekalki miesiacaŭ — paŭhoda) kazali 18-21%. U toj ža čas pamiž lutym i kastryčnikam 2024 hoda my ŭpieršyniu zafiksavali źnižeńnie doli tych, chto hatovy tryvać stolki, kolki spatrebicca — da 63%.
Pamiž pačatkam kastryčnika i śniežniem 2024 hoda my taksama nazirajem niaznačnaje, ale źnižeńnie doli tych, chto hatovy tryvać stolki, kolki spatrebicca —— da 57%», — adznačajuć ukrainskija sacyjołahi.
Razam z tym vyrasła dola tych, kamu ciažka adkazać na pytańnie, — da 18%.
Kali pamiž lutym 2024 hoda i pačatkam kastryčnika 2024 hoda źnižeńnie zapasu tryvałaści prasočvałasia pierš za ŭsio na poŭdni i asabliva uschodzie, to ŭ śniežni 2024 hoda heta tendencyja nazirałasia i ŭ inšych rehijonach.
Sacyjołahi taksama adznačyli, što čym bolšy dastatak u apytanych, tym bolš jany hatovy tryvać vajnu.
«Ź inšaha boku, varta padkreślić, što navat siarod respandentaŭ ź nizkim dastatkam (jakija, adpaviedna, dosyć uraźlivyja) 51% adkazali, što hatovyja tryvać stolki, kolki spatrebicca», — pišuć sacyjołahi.
Siarod respandentaŭ ź siarednim dastatkam takich 58%, siarod respandentaŭ z vysokim dastatkam — 70%.
«Hetyja danyja pakazvajuć, što hatoŭnaść tryvać vajnu tolki častkova źviazana z materyjalnymi ŭmovami žyćcia i nasamreč inšyja faktary ŭ bolšaj stupieni ŭpłyvajuć na zapas tryvałaści», — padsumavali ŭ KMIS.
Daśledavańnie prachodziła z 2 pa 17 śniežnia 2024 hoda. U vybarku nie ŭklučali žycharoŭ terytoryj, jakija časova nie kantralujucca ŭładami Ukrainy, i tych, chto vyjechaŭ za miažu paśla 24 lutaha 2022 hoda.
Ciapier čytajuć
Łukašenka: biez halštuka ŭ razmovach z pasłańnikami Trampa, u halštuku z rasijskimi hubiernatarami7
Kamientary
Zadajtie druhoj vopros: "Sohłasny li ukraincy s tiem, čto Ukraina zakančivajet vojnu, a śledstvienno vstupajet v psievdoSojuznoje hosudarstvo s dalniejšim rieprieśsijami niesohłasnych".
Ponimaja, čto luboj momient mohut pohibnuť ukraincy užie živut, praktičieski tri hoda, v otličije ot rašistov i nas divannych, chataakrajnikov.
Zadajtie ukraincam vopros. Hotovy li oni sdaťsia s dalniejšim prichodom k vłasti očieriednoho Janukovičv.