Dziciačyja balnicy, škoły, palikliniki. Jakija mienavita sacyjalnyja abjekty ŭźviaduć u stalicy, raskazała staršynia kamiteta budaŭnictva i inviestycyj Minharvykankama Iryna Hontarava, piša «Minsk-Naviny».
U ŽK «Minsk-Śviet» pačnuć funkcyjanavać adrazu dźvie škoły. Ciapier jany na etapie budoŭli, jak i dziciačaja balnica na vuł. Lejtenanta Kižavatava.
— U stadyi budaŭnictva znachodzicca jašče adna škoła ŭ žyłym rajonie Sokał, budaŭniča-mantažnyja raboty buduć zavieršany ŭžo sioleta. Ciapier budujucca dźvie dziciačyja palikliniki ŭ Łošycy i na terytoryi kompleksu «Minsk-Śviet», a taksama dźvie šmatprofilnyja darosłyja: adna — u składzie taho ž ŽK «Minsk-Śviet», druhaja — u pasiołku Uschodni. Usie čatyry ŭviaduć u ekspłuatacyju ŭ 2025 hodzie, — raspaviała Hontarava. — Taksama płanujecca da ŭvodu ŭ ekspłuatacyju šmatfunkcyjanalny azdaraŭlenčy kompleks na vuł. Majakoŭskaha, 31, dzie raźmieścicca 10-ja stamatałahičnaja paliklinika, centr płastyčnaj chirurhii, a taksama endakrynałahičny centr.
Novy Nacyjanalny futbolny stadyjon na pł. Vaniejeva čakaje aficyjnaha adkryćcia, tam užo zaviaršajucca budaŭniča-mantažnyja raboty. Darečy, na stadyjonie ŭžo ŭklučana viačerniaja padśvietka.
Rasčyniać svaje dźviery ŭ 2025-m škoła ŭ Baraŭlanach, dziciačyja sady ŭ pasiołku Uschodni, na pr. Niezaležnaści i ŭ miežach vuł. Tajožnaj. Płanujecca ŭźviadzieńnie Nacyjanalnaha histaryčnaha muzieja.
Ciapier čytajuć
Łatvija «pa techničnych pryčynach» zakryła miažu ź Biełaruśsiu25
Kamientary