Pa pamiłavańni vypuścili 21-hadovuju alimpijadnicu i žančynu, što nie stała havaryć z Azaronkam
Juryj Vaskrasienski nazvaŭ jašče piać imionaŭ palitźniavolenych žančyn, jakija niadaŭna vyjšli na volu praz pamiłavańnie Łukašenkam.
Siarod inšych vyjšła na svabodu 21-hadovaja palitźniavolenaja Anita Bakunovič.
Dziaŭčyna atrymała chatniuju chimiju za ŭdzieł u pratestach, a kali sprabavała vyjechać z krainy, była paŭtorna aryštavanaja. Jana atrymała 3,5 hoda źniavoleńnia — za sprobu niezakonnaha pierasiačeńnia miažy, udzieł u ekstremisckim farmiravańnie i za ŭdzieł u pratestach.
Za kratami dziaŭčyna praviała ahułam bolš za 2,5 hoda.
Taksama na svabodzie ciapier palitźniavolenaja Natalla Kruk, jakaja ŭ svoj čas admoviłasia adkazvać na pytańni Azaronka.
Dziaŭčyna była zatrymanaja ŭ žniŭni 2023 hoda pa viartańni z Polščy. Jaje asudzili za ŭdzieł u pratestach i «škodu nacyjanalnaj biaśpiecy Biełarusi», ale termin byŭ nieviadomy.
Kali da Natalli z kabinieta HUBAZiKa pryjšoŭ z kamieraj Ryhor Azaronak, jana admoviłasia adkazvać na jaho pytańni. Prosta moŭčki hladzieła na prapahandysta.
Pa pamiłavańni adpuścili taksama Irenu Klaviec, maci čatyroch dziaciej.
Žančynu aryštavali pa spravie «Čornaj knihi Biełarusi» letam 2022 hoda. Jana pracavała ŭ kadastravym ahienctvie i mahła praviarać źviestki pra patrebnych ludziej. Irenie prysudzili 6 hadoŭ źniavoleńnia pa čatyroch artykułach Kryminalnaha kodeksu — ad pieravyšeńnia ŭłady da raspalvańnia varožaści.
Irena Klaviec vyjšła na svabodu padčas apošniaj chvali pamiłavańnia ŭ śniežni 2024 hoda.
Inšyja vyzvalenyja, pra jakich stała viadoma, — Ina Palcava, a taksama žančyna pa proźviščy Vołkava.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu7878
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu78
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary
Kohda žie pridiet eto chołodnoje leto 53?
Łatareja ŭ Biełarusi:
- nie trapić/ trapić u turmu, bo "pašancavała" niedzie zaśviecicca (na videa, u inecie i tp)/dajšła represiŭnaja čarha
- nie vyjści/vyjści pa pamalivańni, bo śpisy na pamiłavańnie randomnyja i małaličnyja.
Jakaja sistema, takaja i łatareja.