Na Stolinščynie palaŭničy sprabavaŭ pieratvaryć dźviuch kazul u adnu, ale jaho raskryli
Palaŭničy nieprykmietna ad jehiera zabiŭ dźviuch žyvioł zamiest adnoj, a potym vyrašyŭ prajavić kiemlivaść.
Mužčyna palavaŭ u Stružskim laśnictvie pad kiraŭnictvam jehiera. Kali supracoŭnik laśnictva zaniaŭsia niejkimi svaimi spravami, 28-hadovy palaŭničy padstreliŭ dźviuch kazul.
Jehier ničoha nie zaŭvažyŭ i zakryŭ mužčynu palavańnie tolki pa adnoj kazuli. Paśla palaŭničy razabraŭ tušy dźviuch kazul. Kab schavać parušeńnie, jon schavaŭ kapyty žyvioł na miescy palavańnia, piša Hienprakuratura.
Kali mužčyna sprabavaŭ vyvieźci miasa, jaho spynili supracoŭniki inśpiekcyi achovy raślinnaha i žyviolnaha śvietu. Kali jany pabačyli kolkaść miasa, jakoje vioz palaŭničy, u ich uźnikli sumnievy, što heta była adna kazula.
Supracoŭniki adpravilisia na miesca palavańnia i znajšli kapyty dźviuch žyvioł. Pryčynienaja navakolnamu asiarodździu škoda skłała 4,8 tysiačy rubloŭ. Palaŭničy kampiensavaŭ jaje padčas papiaredniaha śledstva.
Ciapier jaho čakaje sud pa kryminalnaj spravie. Mužčynu abvinavačvajuć u niezakonnym transpartavańni i raźbirańni dzikich žyvioł. Sankcyja artykuła praduhledžvaje ad štrafu da troch hadoŭ turmy.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary