Trampa pryznali vinavatym pa spravie ab machlarstvie. Ale na hetym i ŭsio
Sud Ńju-Jorka Chuan Mierčan 10 studzienia vynies prysud abranamu prezidentu ZŠA Donaldu Trampu pa spravie ab machlarstvie. Vierdykt suda — «biezumoŭnaje vyzvaleńnie».
Jak i čakałasia, hety prysud staŭ samym miakkim z usich mahčymych. «Biezumoŭnaje vyzvaleńnie» aznačaje, što abvinavaŭčy prysud zastaniecca ŭ sile, ale sama sprava spyniajecca biez pryznačeńnia pakarańnia, heta značyć Trampu nie pahražaje ni turma, ni štraf.
U toj ža čas u jaho zastaniecca farmalnaja sudzimaść, to-bok 47-y prezident ZŠA stanie pieršym u historyi krainy prezidentam, asudžanym za kryminalnaje złačynstva.
Padčas abviaščeńnia prysudu Mierčan rastłumačyŭ, što imunitet, jaki Donaldu Trampu daje pasadu prezidenta, źjaŭlajecca «faktaram, jaki pieravažaje ŭsie astatnija».
«Donald Tramp, zvyčajny hramadzianin, jaki abvinavačvajecca ŭ kryminalnym złačynstvie, nie mieŭ by prava na takuju značnuju abaronu», — dadaŭ jon.
Paśla taho jon pažadaŭ Trampu pośpiechu na druhim prezidenckim terminie i dadaŭ, što vyznačanaje im pakarańnie Trampu «stanie adzinym zakonnym prysudam, jaki nie zamachvajecca na samuju vysokuju pasadu ŭ krainie».
Tramp udzielničaŭ u sudzie pa videasuviazi razam sa svaim advakatam. U cełym, pa słovach Trampa, uvieś praces byŭ žachlivym vopytam dla jaho. Jon pierakanany, što ŭsio heta było zadumana z metaj nie dapuścić jaho pieravybrańnia na pasadu prezidenta.
Paźniej u svajoj sacsietcy Truth Social Tramp napisaŭ, što hetaje mierapryjemstva «było ahidnym cyrkam, i ciapier, kali jano skončyłasia, my abskardzim hety absurd».
Trampa abvinavačvali ŭ tym, što jon falsifikavaŭ dakumienty, kab schavać vypłaty na sumu $130 tysiač pornaaktrysie Stormi Deniełs. Taja śćviardžała, što ŭ ich z Trampam u 2006 hodzie była intymnaja suviaź, i były advakat Trampa Majkł Koen zapłaciŭ joj za maŭčańnie. Sam Tramp suviaź z Deniełs admaŭlaje.
«My pavinny pakłaści kaniec hetaj vajnie». Tramp raspavioŭ ab padrychtoŭcy sustrečy z Pucinym
Za pretenzijami Trampa na Panamu, Kanadu i Hrenłandyju moža chavacca tonki pieramoŭny raźlik
Prezidentka Mieksiki patroliła Trampa
Tramp pierajmianoŭvaje Mieksikanski zaliŭ, ćviorda namierany viarnuć Panamski kanał i «razumieje pačućci Rasii»
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca2
Kamientary
Zienia nas znoŭ 😱