Pierad prezidenckimi vybarami Minabarony čakaje pravakacyi z boku «źbiehłych», jakich «uzbrojvajuć za miažoju»
Minabarony zajaviła ab pahrozach na biełaruskaj miažy pierad prezidenckimi vybarami, jakija projduć 26 studzienia 2025 hoda. Pra heta raspavioŭ načalnik Departamienta mižnarodnaha vajennaha supracoŭnictva — pamočnik ministra abarony pa pytańniach mižnarodnaha vajennaha supracoŭnictva Valeryj Ravienka.
Ravienka u intervju «Vajen-TB» skazaŭ, što pierad vybarami la miežaŭ Biełarusi «sapraŭdy isnujuć pahrozy».
— Aktyŭnaść [na miažy] adbyvajecca, naroščvańnie sił i srodkaŭ idzie płanamierna, z hoda ŭ hod. Niama takoha, što ekstranna — nie, jany zajmajucca płanavaj dziejnaściu. Jany nie źviartajuć na nas nijakaj uvahi, navat nie dumajuć niejak apraŭdacca za svaje dziejańni. Jany prosta płanamierna stvarajuć pahrozu kala miežaŭ Biełarusi, — kaža pamočnik ministra abarony.
Ravienka śćviardžaje, što vielmi surjoznuju niebiaśpieku ŭjaŭlajuć dziejańni «nie stolki vajennych viedamstvaŭ našych pryhraničnych dziaržaŭ, a chutčej dziejańni peŭnych palityčnych kołaŭ, uradaŭ, jakija farmirujuć padraździaleńni z našych «źbiehłych», navučajuć ich, uzbrojvajuć».
— Tut pahroza jość, adnaznačna. Mahčyma buduć nieadekvatnyja pavodziny, mahčyma im prosta daduć zahad niešta zrabić, niejkuju pravakacyju. My da hetaha hatovyja, — skazaŭ Ravienka.
Jon dadaŭ, što pierad vybarami Minabarony praviało «prafiłaktyčnuju rabotu» z vajennymi ataše akredytavanymi ŭ Biełarusi zamiežnych dziaržaŭ.
Pavodle Ravienki, im raskazali, jak u Biełarusi buduć «rasceńvać tyja ci inšyja niekanstruktyŭnyja dziejańni z boku zamiežnych dziaržaŭ».
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Voś vam i paćvierdžańnie ad pamočnika ministra abarony Ravienki, što tak i jość.
Armija napahatovie, "pierad vybarami Minabarony praviało «prafiłaktyčnuju rabotu» z vajennymi ataše akredytavanymi ŭ Biełarusi zamiežnych dziaržaŭ".