U Rasii ŭ turmie pamior biełaruski złačynca, jakomu ŭ svoj čas prysudzili rasstreł
Aleh Harbunoŭ adsiadzieŭ u Mardovii bolš za 20 hadoŭ na pažyćciovym. Ale pachavali jaho ŭ Biełarusi.
U svoj čas biełarus Aleh Harbunoŭ atrymaŭ u Rasii rasstrelny prysud za pakiet kryminalnych artykułaŭ — zabojstva pry abciažarvajučych abstavinach, kradziež, naŭmysnaje źniščeńnie majomaści i vykradańnie dakumientaŭ.
Pieršapačatkova Nižaharodski abłasny sud pryznačyŭ jamu śmiarotnaje pakarańnie. Adnak pakolki ŭ Rasii ŭ 1997‑m uviali maratoryj na rasstreły, to Harbunovu pašancavała — zamiest śmierci jon atrymaŭ pažyćciovaje źniavoleńnie.
Pakarańnie jon adbyvaŭ u kałonii №1 u Mardovii, dzie ŭtrymlivajuć kala 150 pažyćciova źniavolenych. Harbunoŭ pražyŭ tam z 5 kastryčnika 1999 hoda pa 24 krasavika 2022 hoda, da samaj śmierci.
U toj ža dzień administracyja kałonii telehramaj paviedamiła ab jaho śmierci žoncy. Praz dva dni davieranaja asoba žonki zabrała cieła Harbunova dla pachavańnia ŭ Biełarusi.
Pra hetuju historyju stała viadoma tolki ciapier, praz čatyry hady paśla śmierci Harbunova, — dziakujučy zusim inšaj, čysta biurakratyčnaj spravie. Na jaho rachunku ŭ kałonii zastavałasia kala $70. Žonka pa spadčynu nie źviartałasia, tamu vyrašali, ci možna zabrać hrošy ŭ rasijski biudžet.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2
Kamientary