Daradca prezidenta Litvy: Pajezdki biełarusaŭ na radzimu i nazad vyhladajuć padazrona
Daradca prezidenta Litvy pa pytańniach nacyjanalnaj biaśpieki Marius Česnulavičus zajaviŭ, što pajezdki biełarusaŭ, jakija pražyvajuć u Litvie, na radzimu i nazad vyhladajuć padazrona. Pavodle jaho słoŭ, vyklikaje zaniepakojenaść toje, što hetyja hramadzianie mohuć padviarhacca cisku z boku režymu Alaksandra Łukašenki, piša Delfi.lt
«Pajezdki tudy i nazad, miakka kažučy, padazronyja. (…) Ci mohuć hramadzianie Biełarusi, jakija ŭciakli ad režymu, ale viartajucca nazad, padviarhacca cisku z boku KDB ci inšych słužbaŭ? Tak, adnaznačna. Ci stvaraje heta ŭmovy dla taho, kab zrabić ich ahientami i prymusić pracavać na režym? Tak, adnaznačna», — skazaŭ Česnulavičus.
Jon padkreśliŭ, što ŭ takoj situacyi na Departamient dziaržaŭnaj biaśpieki (DDB) kładziecca vielizarnaja nahruzka. «Niahledziačy na pavieličeńnie ich biudžetu, usio roŭna nieabchodna sfarmiravać štat supracoŭnikaŭ i mieć instrumienty, jakija nie stvarajucca za adzin dzień. Nahruzka na DDB kałasalnaja, heta sapraŭdy vialikaja prablema», — adznačyŭ jon.
Adnak daradca zajaviŭ, što prostaha rašeńnia hetaha pytańnia niama, pakolki nieabchodna ŭličvać i aśpiekty pravoŭ čałavieka. «Ale karać ludziej tolki za toje, što tam režym, nielha.
Tut niama prostaha i lohkaha adkazu, i my praciahniem abmiarkoŭvać hetaje pytańnie jak z punktu hledžańnia pravoŭ čałavieka, tak i z punktu hledžańnia śpiecsłužbaŭ, jakija pavinny zabiaśpiečvać našu ŭłasnuju biaśpieku», — skazaŭ Česnulavičus.
Urad prapanuje Siejmu praciahnuć nacyjanalnyja sankcyi, jakija prymianiajucca da hramadzian Rasii i Biełarusi, jašče na hod — da 2 maja 2026 hoda.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach11
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary