Jak žyvie biazdomnaja žančyna z Homiela, jakoj błohier abiacaŭ kupić kvateru

U listapadzie minułaha hoda papularny biełaruski błohier z Homiela Anatol Rubakha Go raskazaŭ pra svoj namier kupić kvateru hieraini svajho błoha Viktoryi. Ciapier jana raskazała pra svajo žyćcio.

Anatol źniaŭ novaje videa, u jakim razam ź Viktoryjaj adkazaŭ na pytańni hledačoŭ. Pa słovach błohiera, jon paznajomiŭsia z žančynaj u 2017 ci 2018 hodzie.

«Tady ŭ nas byŭ druhi prajekt. Tam trochi zdymalisia Viktoryja i jaje znajomy. U minułym hodzie pačali zdymać kanał u tyktok. Prapanavaŭ Viktoryi zdymacca. Jana pahadziłasia», — raskazvaje Anatol i padkreślivaje, što jany nie źjaŭlajucca svajakami.

Pa słovach Viktoryi, jany z Anatolem dobryja znajomyja. Žančyna pryznajecca, što joj cikava jak zdymacca ŭ videa, tak i vieści pramyja tranślacyi.

@rubakhago

♬ orihinalnyj zvuk - Rubakha Go

Viktoryja raskazała, što joj 55 hadoŭ. Skončyła 8 kłasaŭ, pajšła vučycca ŭ PTV na apieratara stankoŭ ź ličbavym prahramnym kiravańniem. Zatym pracavała pamočnicaj vychavaciela ŭ dziciačym sadku, lifcioram u balnicy.

«Ja była zamužam. Ciapier raźviedzienaja. Dzieci jość. Dvoje. Dziaŭčynka i chłopčyk», — koratka paviedamiła žančyna i pryznałasia, što ź dziećmi nie maje stasunkaŭ z 2007 hoda.

Videa ź Viktoryjaj Anatol zdymaje ŭžo bolš za hod. Za hety čas, pa słovach žančyny, jaje žyćcio «źmianiłasia ŭ dobry bok» i jana «vielmi zadavolenaja». Jaje časta paznajuć na vulicach horada, u kramach. Jak darosłyja, tak i dzieci prosiać sfatahrafavacca razam.

«Padyšli dva chłopčyki-školniki. Kłas, moža, treci— čaćviorty. Adzin pasaromieŭsia fatahrafavacca. A druhi kaža: «Možna z vami sfatahrafavacca?» Ja kažu: «Možna». Paznajuć mnoha i časta», — pryznajecca žančyna.

Ciapier Viktoryja žyvie ŭ svajoj znajomaj. Pa słovach Anatola, jaho abiacańnie nabyć kvateru zastajecca ŭ sile. Hrošy na jaje błohier raźličvaje atrymać ad prodažu mašyny, jakuju jon vyjhraŭ u konkursie, što pravodziŭ rasijski błohier. Ciapier mašyna pradajecca.

«U hety momant šukajem pakupnika. [Dalej] nabyvajem kvateru dla Viktoryi. Afarmlajem jaje na Viktoryju. Jana tam budzie žyć. Što jana ź joj zrobić? Jana moža jaje pradać, usio, što zachoča. Ale ja, zrazumieła, hetaha nie chaču. Chaču, kab jana ŭsio svajo žyćcio pražyła ŭ hetaj kvatery, kab u jaje byŭ svoj kutok, kudy jana moža pryjści ŭ luby momant. Tamu ja budu rabić usio, kab zachavać hetuju kvateru Viktoryi», — havoryć Anatol.

• 28
• 0
• 1
• 0
• 1
• 0
• 0
• 4