U Italii razhareŭsia skandał z-za vyjavy na carkoŭnaj frescy anioła z tvaram Miełoni
U Italii razhareŭsia skandał paśla taho, jak u Rymie ŭ bazilicy San-Łarenca-in-Łučyna na adnoj z adrestaŭravanych fresak anioł, jak śćviardžajuć ŚMI i karystalniki sacsietak, atrymaŭ rysy tvaru cepierašniaj premjer-ministarki krainy Džordžy Miełoni.
Jak paviedamlajecca, padabienstva zaŭvažyli paśla zaviaršeńnia restaŭracyjnych rabot. Rektar Panteona i baziliki Daniele Mikieleci pryznaŭ, što peŭnaje padabienstva sapraŭdy jość, ale padkreśliŭ, što pryčyny takoha vyniku varta vyśviatlać u samoha restaŭratara, bo jon nie moža rastłumačyć, čamu freska vyhladaje mienavita tak.
U rymskaj jeparchii navina vyklikała ździŭleńnie i źbiantežanaść — adznačajecca, što padobnych vypadkaŭ raniej nie było.
Sama Džordža Miełoni z humaram adreahavała na situacyju ŭ sacyjalnych sietkach, napisaŭšy, što jana «zusim nie padobnaja da anioła», i dadaŭšy smajlik. Jana taksama apublikavała fota frahmienta freski.
Restaŭratar Bruna Valencineci adchiliŭ usie abvinavačańni, zajaviŭšy, što jon prosta adnaviŭ vobraz takim, jakim jon byŭ kala 25 hadoŭ tamu, stroha prytrymlivaŭsia starych eskizaŭ i koleraŭ i nie ŭnosiŭ nijakich źmienaŭ ad siabie.
Na situacyju adreahavała i apazicyja. Pradstaŭniki Demakratyčnaj partyi i ruchu «Piać zorak» zajavili, što, kali infarmacyja paćvierdzicca, heta moža być surjoznym parušeńniem zakanadaŭstva ab achovie kulturnaj spadčyny. Jany patrabujuć nieadkładnaha ŭmiašańnia Ministerstva kultury, rasśledavańnia abstavin restaŭracyi i vyśviatleńnia, chto niasie adkaznaść za rabotu.
Apazicyjnyja palityki padkreślivajuć, što mastactva i kulturnaja spadčyna Italii nie pavinny stanavicca srodkam prapahandy ci advolnych interpretacyj, bo heta pahražaje ich aŭtentyčnaści i histaryčnaj kaštoŭnaści.
Premjerka Italii zajaviła pra nieabchodnaść razmaŭlać z Rasijaj
U śpis kulturnaj spadčyny JUNIESKA ŭklučyli ŭsiu italjanskuju nacyjanalnuju kuchniu. Heta pieršy taki vypadak u historyi
Na frescy ŭ kaściole ŭ Viciebsku zamalavali niekalki piersanažaŭ
Kitajskija archieołahi adnavili pazałočanyja daśpiechi bolš čym tysiačahadovaj daŭniny
Kamientary