Startap ź biełaruskimi karaniami zaklučyŭ ździełku z Microsoft na 750 miljonaŭ dalaraŭ
Perplexity atrymaje dostup da vobłačnaj infrastruktury Azure.
Startap Perplexity, jaki zasnavaŭ biełarus Dzianis Jarac razam z dvuma partniorami ŭ ZŠA, padpisaŭ pahadnieńnie z Microsoft na sumu 750 młn dalaraŭ, piša Office Life.
Pavodle pahadnieńnia, Perplexity atrymaje dostup da vobłačnaj infrastruktury Azure. Takim čynam startap pašyraje svoj biznes za miežy daŭniaha vobłačnaha partniora Amazon.com Inc.
Kantrakt padpisany na try hady. Startap, zasnavany biełarusam, zmoža zapuskać roznyja madeli štučnaha intelektu praz prahramu Microsoft Foundry, u tym liku rašeńni ad OpenAI, Anthropic i xAI.
Kamientujučy ździełku, u Perplexity zajavili, što partniorstva z Microsoft dapamoža atrymać dostup da pieradavych madelaŭ. Pradstaŭniki Microsoft ździełku nie kamientujuć.
U śniežni stała viadoma, što viadomy partuhalski futbalist Kryšcijanu Ranałdu inviestavaŭ u pošukavy servis z vykarystańniem štučnaha intelektu Perplexity AI.
Taksama ŭ śniežni hazieta The New York Times paviedamiła, što padała pazoŭ u sud Ńju-Jorka suprać startapu Perplexity. Raniej Reddit padała pazoŭ suprać startapu i troch servisaŭ zboru danych. A letam brytanskaja teleradyjokampanija BBC nakiravała Perplexity list z patrabavańniem spynić zbor kantentu ź jaje sajtaŭ. U advarotnym vypadku kampanii pahražali sudom. Raniej Forbes i Wired taksama abvinavačvali startap u kradziažy kantentu.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary