U Rasii prapanavali pierajmienavać Finski zaliŭ u Sankt-Pieciarburhski
Rasii nieabchodna pierajmienavać Finski zaliŭ, pakolki kraina «asvojvała jaho z najstaražytnych časoŭ», zajaviŭ navukovy dyrektar Rasijskaha vajenna-histaryčnaha tavarystva Michaił Miahkoŭ, piša Moscow Times.
«Mnie padajecca, łahičnaja nazva hetaha zaliva była b Sankt-Pieciarburhski zaliŭ abo zaliŭ Sankt-Pieciarburha», — skazaŭ historyk na prezientacyi daśledavańnia «Čornaja kniha. Karotkaja historyja šviedskaj i finskaj rusafobii».
Jon patłumačyŭ vybar takoj nazvy tym, što Sankt-Pieciarburh — najbujniejšy horad na bierazie zaliva. Pry hetym Miahkoŭ padkreśliŭ, što Rasiju ciapier «sprabujuć zamknuć» u hetaj akvatoryi i nie vypuskać ź jaje rasijski fłot.
Jon taksama pryznaŭ, što prapanovu mohuć ličyć «zanadta šakavalnaj», ale adznačyŭ, što pierajmienavańnie budzie «histaryčna spraviadlivym».
Akramia taho, historyk spasłaŭsia na anałahičnaje rašeńnie prezidenta ZŠA Donalda Trampa, jaki pierajmienavaŭ Mieksikanski zaliŭ u Amierykanski.
Kamientary