Biełarus paŭhoda «inviestavaŭ» hrošy machlaram i straciŭ 120 tysiač rubloŭ
Frunzienski rajonny adździeł Śledčaha kamiteta pa horadzie Minsku raskazaŭ pra toje, jak zanadta davierlivy biełarus, chočučy stvaryć sabie finansavuju «padušku biaśpieki» praź inviestycyi ŭ biznes, pra jaki viedaŭ tolki z čužych słoŭ, nie tolki straciŭ toje, što mieŭ, ale i zalez u pazyki.
U sakaviku minułaha hoda 65-hadovy minčuk, prahladajučy naviny na sajcie, źviarnuŭ uvahu na rekłamu ab pavieličeńni kapitału. Pierajšoŭšy pa spasyłcy, jon daviedaŭsia pra mahčymaść zrabić inviestycyi, i hetaja prapanova padałasia jamu vyhadnaj.
Nieŭzabavie z mužčynam źviazalisia nibyta pradstaŭniki aŭtarytetnaj biržy i praviali ź im blic-apytańnie: miesca pracy, uzrovień dachodu, čakańni ad supracoŭnictva. Kali biełarus vykazaŭ hatoŭnaść da surjoznych układańniaŭ u nibyta vyhadnuju spravu, apieratar pieranakiravaŭ jaho da «daśviedčanych mieniedžaraŭ».
Paśla hetaha pa namovie tych «mieniedžaraŭ» na praciahu paŭhoda mužčyna raz za razam pieraličvaŭ svaje aščadžeńni i zarobak na rachunki psieŭdainviestaraŭ.
Sumy byli niemaleńkija, ale da pary čałavieka nie naściarožvała navat toje, što pieravody rabilisia za miažu «dla asabistych patreb». Mieniedžary pastajanna pierakonvali biełarusa, što jahony prybytak raście.
Urešcie mužčyna tak uvajšoŭ u azart, što aformiŭ kredytnuju liniju i praciahvaŭ układać hrošy. Adnak kali ŭletku pasprabavaŭ vyvieści častku srodkaŭ, to vyśvietliłasia, što kali pieravieści hrošy za miažu prosta, to viarnuć ich — užo prablema. Praŭda, «inviestaru» prapanavali pieradać hrošy najaŭnymi praz kurjera, ale kali jon na heta pahadziŭsia, suviaź z pradstaŭnikami biržy źnikła.
U vyniku machlary vyciahnuli z mužčyny bolš za 120 tysiač rubloŭ. Ciapier adnosna hetaha zaviali kryminalnuju spravu pa č. 4 art. 209 Kryminalnaha kodeksa Respubliki Biełaruś (machlarstva ŭ asabliva bujnym pamiery).
Dyrektarka minskaj turfirmy pradała nieisnujučyja tury na 170 tysiač rubloŭ. Jaje zatrymali praz try hady
Chłopiec paskardziŭsia ŭ milicyju na machlaroŭ. Vyśvietliłasia, što jon vymańvaŭ hrošy sam u siabie
Biełarusbank uvioŭ sistemu pravierki rekvizitaŭ praz machlaroŭ
Machlary ad imia mytni «pradajuć» praz Instagram kanfiskat
«Nu i siadzi, rochkaj dalej». Nieviadomy zasmuciŭsia, kali nie zdoleŭ padmanuć biełarusa ŭ internecie
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju4
Kamientary