Vosieńniu na terytoryi sadovych tavarystvaŭ Baranavickaha rajona prajšła sieryja kradziažoŭ. Zajaŭniki ŭ milicyju tłumačyli, što padčas naviedvańnia leciščaŭ zaŭvažali parušeńnie paradku, adsutnaść praduktaŭ i asabistych rečaŭ.
Cikava, što ŭ bolšaści vypadkaŭ u chodzie ahladu miescaŭ złačynstva ŭ jakaści rečavych dokazaŭ była łyžka, jakoj, vidać, karystaŭsia złamyśnik padčas užyvańnia ježy. Dla daśledavańnia abjekty byli nakiravany ekśpiertam-hienietykam. Śpiecyjalistam Dziaržaŭnaha kamiteta sudovych ekśpiertyz udałosia vyjavić hienatyp asoby.
Pa padazreńni ŭ ździajśnieńni złačynstvaŭ byŭ zatrymany 43-hadovy žychar Słonima, u jakoha dla praviadzieńnia paraŭnalnaha daśledavańnia byli ŭziatyja bijałahičnyja ŭzory.
Pry praviadzieńni hienietyčnaj ekśpiertyzy ŭstanoŭlena supadzieńnie z hienietyčnymi charaktarystykami, atrymanymi raniej padčas daśledavańnia abjektaŭ, jakija byli ŭziatyja padčas ahladu miescaŭ złačynstvaŭ.
Vyniki ekśpiertnych daśledavańniaŭ dazvolili abjadnać 9 epizodaŭ kradziažoŭ, učynienych na terytoryi Baranavickaha rajona, u adnu kryminalnuju spravu i vystavić abvinavačańnie złamyśniku. Śledčyja ŭstalavali datyčnaść słonimca da 18 kradziažoŭ (na terytoryi Ivacevickaha, Baranavickaha i Słonimskaha rajonaŭ).
Kamientary