Biełaruskija siłaviki złamali rebry i chrybietnik komiku Astaninu padčas zatrymańnia ŭ Biełarusi
Biełaruskija siłaviki tak žorstka zatrymlivali komika Arciemija Astanina, što złamali rebry i chrybietnik jamu padčas zatrymańnia. Rasijski komik byŭ abvieščany ŭ Rasii ŭ vyšuk za žarty pra ŭdzielnikaŭ SVA. Astanin sprabavaŭ źbiehčy praź Biełaruś.
Pra ciažkija traŭmy — złamanyja rebry i chrybietnik — paviedamiŭ advakat humarysta ŭ sudzie pry abrańni miery strymańnia. Na fonie traŭmy ŭ Astanina pačalisia prablemy ź lohkimi, piša Mash.
17 sakavika ŭ Biełarusi byŭ zatrymany komik Arciemij Astanin i pieradadzieny ŭ Rasiju. U RF suprać jaho zaviali kryminalnuju spravu za žarty. Pavodle rasijskaha SK, na kancercie Astanin «vykazvaŭ niehatyŭnyja i abraźlivyja kamientary na adras udzielnika śpiecyjalnaj vajennaj apieracyi».
Kryminałku suprać komika zaviali, imavierna, praz žart, u jakim Astanin raspaviadaje, jak u pierachodzie mietro jon sutyknuŭsia z mužčynam, jaki straciŭ nohi. Komik nie zhadvaje vajnu, ale kaža, što mužčyna biez noh «na minie padarvaŭsia».
Biełaruskija ž siłaviki paśla zatrymańnia pryčapili na zatrymanaha stendapiera miasarubku. Arciemij Astanin žartavaŭ pra adzin z rasijskich rehijonaŭ, dzie maci zahinułych akupantaŭ atrymali ŭ padarunak miasarubki. Ale nasamreč, takaja historyja sapraŭdy była. U Murmanskaj vobłaści «Adzinaja Rasija» padaryła maci zahinułych udzielnikaŭ vajny miasarubki — u partyi śćviardžajuć, što žančyny sami pra heta paprasili.
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
-
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»
Ciapier čytajuć
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary