Karalevu burlesku ŭsioj Maskvy źbili 8 sakavika prosta padčas vystupu
Jaje pryniali za stryptyziorku. Za admovu raspranucca tancorku kinuli ŭ vitrynu, piša Mash.
Usio adbyłosia 8 sakavika ŭ adnym z maskoŭskich baraŭ. Lala Biažeckaja, jakaja nazyvaje siabie «aktrysaj burlesku №1 u Rasii», rychtavałasia da čarhovaha vychadu na scenu, kali na jaje napała nieadekvatnaja naviedvalnica. Žančyna pasprabavała razdrapać artystcy tvar, a jaje bojfrend padbieh na dapamohu — schapiŭ Lalu i šturchanuŭ prosta ŭ šklanuju šafu. Usio praz toje, što padpityja hości pryniali burlesk-dyvu za stryptyziorku i patrabavali adpaviednaha šou, a jana admoviłasia.
U nahu kabaretnaj artystki ŭpiŭsia askołak škła, ale jana ŭsio roŭna praciahnuła vystupleńnie. U balnicu Biažeckaja zmahła dabracca tolki nočču — kali stała zrazumieła, što «samo nie projdzie», i ranu daviadziecca zašyvać.
Paźniej vyśvietliłasia, što jašče adna tancorka złamała nahu praz stres, a ŭ śpiavački — niervovy zryŭ: ciapier jana baicca vychodzić na scenu. Abiedźvie stali śviedkami napadu.
Kamientary