Eduarda Babaryku znoŭ buduć sudzić za «niepadparadkavańnie administracyi». Akazvajecca, jon u turmie ŭ Vaŭkavysku
Eduarda ŭtrymlivajuć u źniavoleńni ŭžo bolš za čatyry z pałovaj hady, kali ŭ červieni 2020 hoda aryštavali razam z baćkam.
U lipieni 2024 hoda jamu dadali da vaśmi hadoŭ pazbaŭleńnia voli jašče dva hady pavodle č. 2 art. 411 KK (złosnaje niepadparadkavańnie administracyi kałonii).
Dla adbyćcia termina palitviaźnia pieraviali ŭ vaŭkavyskuju kałoniju № 11, dzie mienš čym za paŭhoda pa inicyjatyvie administracyi suprać jaho ŭzbudzili druhuju zapar spravu pa č. 2 art. 411 KK. Sud nad im raspačniecca ŭžo 20 lutaha, piša «Viasna».
Eduarda ŭ lipieni 2023 hoda asudzili da 8 hadoŭ źniavoleńnia. Pry hetym u termin nie zaličyli čas utrymańnia ŭ SIZA KDB pa pieršapačatkovym abvinavačvańni — paŭtara hoda. Jaho pryznali vinavatym pavodle troch artykułaŭ Kryminalnaha kodeksa. Termin palitviazień spačatku adbyvaŭ u babrujskaj kałonii № 2. Tam na jaho ŭvieś čas cisnuła administracyja kałonii: źmiaščała jaho ŭ ŠIZA i PKT.
9 lipienia 2024 u Babrujsku nad Eduardam adbyŭsia sud pavodle art. 411 KK (złosnaje niepadparadkavańnie administracyi kałonii). Sudździa Pavieł Karcinin pryznaŭ Eduarda vinavatym i pryznačyŭ jamu jašče dva hady źniavoleńnia.
U vieraśni ŭ Mahiloŭskim abłasnym sudzie adbyŭsia razhlad apielacyjnaj skarhi Eduarda. Paśla hetaha jaho pieraviali ŭ papraŭčuju kałoniju dla strohaha režymu ŭ Vaŭkavysk.
Za piać miesiacaŭ utrymańnia tam Eduarda administracyja kałonii inicyjavała ŭzbudžeńnie ŭžo druhoj spravy pavodle č. 2 art. 411 KK. Praces nad palitviaźniem pačniecca 20 lutaha ŭ sudzie Vaŭkavyskaha rajona. Sudździa — Mikałaj Siarhiejka, jaki letam 2024 hoda asudziŭ pa hetym ža artykule anarchista Alaksandra Franckieviča. Eduardu Babaryku mohuć dadać jašče dva hady kałonii.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary