U krasaviku ŭ Sašy Filipienki vyjdzie novaja kniha — pa-biełarusku
Biełaruski piśmieńnik Saša Filipienka ŭ krasaviku vypuskaje novuju knihu «Słon», raspavioŭ jon sam u vypusku «Obyčnoho utra».
Premjera biełaruskamoŭnaj viersii novaj knihi zapłanavana na krasavik, ruskamoŭnaj — na travień.
«Knižka budzie raspaviadać ab tym, jak ludzi nie zaŭvažajuć słanoŭ, jakija stajać pasiarod pakoja, nie zaŭvažajuć vidavočnyja rečy, jakija adbyvajucca vakoł nas. Jak ludziej rasčałaviečvajuć, jak ludzi vybirajuć kamfort zamiest taho, kab vybirać luboŭ», — raskazaŭ piśmieńnik.
U pieradačy Filipienka parazvažaŭ pra toje, jak ludzi vučacca prystasoŭvacca da žyćcia, u tym liku da vajennych časoŭ.
«Dumaju, što ludzi vydatna zapluščvajuć vočy na toje, što adbyvajecca. My bačym na prykładzie Rasii, što ludzi ničoha nie chočuć bačyć z taho, što adbyvajecca. Na prykładzie Biełarusi, zaraz usie biełarusy troški papłyli ad siabie paśla 2020 hoda — usie takija kłasnyja, cudoŭnyja. Ale z 10-ha pa 20-ty nichto tak ža nie naziraŭ. Chadzili sabie i dumali, jak kupić tapielca z Amieryki (havorka pra mašynu, jakaja trapiła pad vadu — NN)».
Saša Filipienka — biełaruski piśmieńnik, aŭtar knih «Były syn», «Kremulatar», «Viartańnie ŭ astroh» i inšych. Jon rezka krytykuje ŭłady Biełarusi i Rasii. Z 2004 da 2020 hoda žyŭ u Rasii, dzie pracavaŭ u niezaležnych ŚMI.
Uletku 2023 hoda ŭ Vilni była pastaŭlena jaho pjesa «Cichary» pra padziei ŭ Biełarusi ŭ 2030 hodzie. Pa siužecie nastaŭ apakalipsis, ale navat jon nie spyniŭ palityčnych sudoŭ, jakija pravodziać u bunkiery.
U 2023 hodzie baćku Filipienki aryštavali na 13 sutak za repost «Lusterka» (art. 19.11 KaAP). Paźniej piśmieńnik kazaŭ, što jaho baćka chodzić na dopyty, dzie jaho raspytvajuć pra syna.
-
70‑hadovy piensijanier vydaŭ svoj pieršy raman sam. «Tea z Hołdena» staŭ biestseleram
-
«Dom, u jakim…» Maryjam Pietrasian — raskazvajem pra kultavuju dla pakaleńnia 2010‑ch knihu-biestsieler, jakuju pierakłali na biełaruskuju movu
-
Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary