Ahient Dudkin raskazaŭ, jak davaŭ KDB spravazdačy pra Łatušku i mahiloŭskich studentaŭ
Dudkin tłumačyć, što nie chacieŭ brać hrošy za pracu, ale kadebisty nastojvali, kab jon braŭ pa $20 u ekvivalencie i raśpisvaŭsia ab atrymańni hrošaj.
Siarod tych, na kaho pisaŭ danosy adzin ź lidaraŭ partyi BCHD Jaŭhien Dudkin, byŭ Pavieł Łatuška, jaki na toj čas zajmaŭ pasadu ministra kultury Biełarusi.
Ahient KDB Dudkin saramliva zaŭvažyŭ, što nie nazyvaŭ by heta danosam. «Chutčej za ŭsio, [heta] infarmacyja ab tym, što adbyvajecca», — raskazaŭ jon «Jeŭraradyjo».
«Byŭ 2012 hod. Łatuška byŭ u nas u [mahiloŭskim] ŭniviersitecie. Ja jamu zadavaŭ pytańni. Pytańni byli nie śpiecyjalnyja [padrychtavanyja KDB]. U mianie asabistaje pytańnie pra karaleŭski pałac u Hrodnie.
Ale pamiataju, što ŭ mianie pytałasia KDB, ci sapraŭdy Pavieł Łatuška byŭ zavierbavany polskimi śpiecsłužbami? Ci ja padazraju [jaho ŭ hetym]? Ja skazaŭ, što sumniajusia, što jon zavierbavany».
Dudkin tady skazaŭ KDB, što biełaruskaja mova Łatuški i jaho akcent dapamahajuć uzmacnieńniu polska-biełaruskich adnosin.
Dudkin pryznajecca, što ŭ jaho spravazdačach u KDB mahli fihuravać studenty. «Ci jość hetyja ludzi radykałami, jakija mohuć ździejśnić złačynstva? Ci mohuć jany być zavierbavanyja [u budučyni]?» — takija pytańni staviła pierad im KDB. Adnak nazyvać proźviščy ahient admoviŭsia.
Dudkin raskazaŭ, što nie chacieŭ brać hrošy za pracu, ale kadebisty nastojvali, kab jon braŭ pa $20 u ekvivalencie i raśpisvaŭsia ab atrymańni hrošaj.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Idzicie, jak Dudkin u palicyju, i raskryvajcie infu pra dziejnaść KDB za miažoj.
Pieršym być zaŭsiody ciažka. Jaŭhien Dudkin pryniaŭ na siabie taki ŭdar: być pieršym, chto saskočyć z supracy.
Pieršym zaŭsiody ciažej. Na ich bolš za ŭsio vyljecca hnieva. Astatnim budzie lahčej prajści hety šlach admovy supracy z KDB.