Premjer Brytanii prapanuje Trampu raźmiaščeńnie 30 tysiač jeŭrapiejskich vajskoŭcaŭ va Ukrainie
Čakajecca, što Starmier padčas sustrečy ŭ Vašynhtonie na nastupnym tydni detalova apiša, jak jeŭrapiejskija vojski zmohuć zabiaśpiečyć vykanańnie luboj damoŭlenaści ab spynieńni ahniu.
Premjer-ministr Vialikabrytanii Kir Starmier pradstavić Donaldu Trampu płan raźmiaščeńnia va Ukrainie kala 30 tysiač jeŭrapiejskich vajskoŭcaŭ dla padtrymańnia režymu spynieńnia ahniu, paviedamlaje The Telegraph sa spasyłkaj na svaje krynicy.
Čakajecca, što Starmier padčas sustrečy ŭ Vašynhtonie na nastupnym tydni detalova apiša, jak jeŭrapiejskija vojski zmohuć zabiaśpiečyć vykanańnie luboj damoŭlenaści ab spynieńni ahniu, jakaja budzie zaklučana pry pasrednictvie prezidenta ZŠA Donalda Trampa.
Pavodle zachodnich čynoŭnikaŭ, znajomych z płanami, jon budzie zaklikać Trampa trymać amierykanskija źniščalniki i rakiety ŭ hatoŭnaści va Uschodniaj Jeŭropie, kab pry nieabchodnaści žorstka adkazać, kali Rasija parušyć umovy mahčymaj mirnaj damoŭlenaści.
Jak adznačaje The Telegraph, anhła-francuzskaja stratehija «sił strymlivańnia» była pradstaŭlena najbujniejšym jeŭrapiejskim lidaram na ekstrannaj sustrečy ŭ Paryžy na hetym tydni. Lidary Jeŭropy sprabavali vypracavać adkaz na inicyjavanyja Trampam mirnyja pieramovy z rasijskim prezidentam Uładzimiram Pucinym.
Hety płan byŭ raspracavany na fonie aściaroh, što Tramp moža adrazu adstupić ad ukrainskaha pytańnia paśla zaklučeńnia pieramirja.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ113
Kamientary