Прэм'ер Брытаніі прапануе Трампу размяшчэнне 30 тысяч еўрапейскіх вайскоўцаў ва Украіне
Чакаецца, што Стармер падчас сустрэчы ў Вашынгтоне на наступным тыдні дэталёва апіша, як еўрапейскія войскі змогуць забяспечыць выкананне любой дамоўленасці аб спыненні агню.
Прэм’ер-міністр Вялікабрытаніі Кір Стармер прадставіць Дональду Трампу план размяшчэння ва Украіне каля 30 тысяч еўрапейскіх вайскоўцаў для падтрымання рэжыму спынення агню, паведамляе The Telegraph са спасылкай на свае крыніцы.
Чакаецца, што Стармер падчас сустрэчы ў Вашынгтоне на наступным тыдні дэталёва апіша, як еўрапейскія войскі змогуць забяспечыць выкананне любой дамоўленасці аб спыненні агню, якая будзе заключана пры пасрэдніцтве прэзідэнта ЗША Дональда Трампа.
Паводле заходніх чыноўнікаў, знаёмых з планамі, ён будзе заклікаць Трампа трымаць амерыканскія знішчальнікі і ракеты ў гатоўнасці ва Усходняй Еўропе, каб пры неабходнасці жорстка адказаць, калі Расія парушыць умовы магчымай мірнай дамоўленасці.
Як адзначае The Telegraph, англа-французская стратэгія «сіл стрымлівання» была прадстаўлена найбуйнейшым еўрапейскім лідарам на экстраннай сустрэчы ў Парыжы на гэтым тыдні. Лідары Еўропы спрабавалі выпрацаваць адказ на ініцыяваныя Трампам мірныя перамовы з расійскім прэзідэнтам Уладзімірам Пуціным.
Гэты план быў распрацаваны на фоне асцярог, што Трамп можа адразу адступіць ад украінскага пытання пасля заключэння перамір’я.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары