Jeŭrapiejskija krainy mohuć nakiravać va Ukrainu ad 25 da 30 tysiač sałdat u miežach patencyjnaj damovy ab spynieńni ahniu, paviedamlaje sa spasyłkaj na krynicy The Washington Post.
Pavodle infarmacyi čatyroch abaznanych čynoŭnikaŭ, kolkaść mahčymaha vajskovaha kantynhientu, jaki Jeŭropa moža adpravić va Ukrainu, była raskrytaja ŭ adkazach na list ZŠA, dzie amierykanski bok prasiŭ jeŭrapiejskija krainy ŭdakładnić svaje mahčymaści dla padtrymki Kijeva.
Pavodle krynic vydańnia, na hety momant jeŭrapiejskija dziaržavy hatovyja zabiaśpiečyć niekalki bryhad dla patencyjnaha raźmiaščeńnia va Ukrainie, prykładnaja kolkaść jakich składzie ad 25 da 30 tysiač.
Surazmoŭcy vydańnia adznačyli, što jeŭrapiejskija vajskoŭcy
«nie buduć raźmieščanyja ŭzdoŭž linii frontu, ale buduć hatovyja prademanstravać siłu, kali rasijskija vojski adnoviać vajnu».
Akramia taho, vajskovy kantynhient va Ukrainie moža być padmacavany dadatkovymi siłami za jaje miežami, «kali im daviadziecca chutka naroščvać prysutnaść i prasoŭvacca».
Pavodle danych vydańnia, najbolš detalovaje vajskovaje płanavańnie takoj misii praviała Francyja. Pa acenkach, jana moža vydzielić kala 10 tysiač vajskoŭcaŭ.
U toj ža čas inšyja jeŭrapiejskija krainy pakul vykazvajuć bolšuju naściarožanaść ci sutykajucca z prablemami, źviazanymi z abmiežavanymi vajskovymi resursami.
Niadaŭna premjer-ministr Vialikabrytanii Kir Starmier zajaviŭ, što jon «hatovy i žadaje» raźmiaścić brytanskija vojski na terytoryi Ukrainy dla zabieśpiačeńnia vykanańnia mirnaha pahadnieńnia pry nieabchodnaści.
Šviecyja taksama nie vyklučaje mahčymaści nakiravańnia miratvorčaha kantynhientu va Ukrainu.
Tym časam premjer-ministr Polščy Donald Tusk zajaviŭ, što Polšča nie budzie adpraŭlać vojski va Ukrainu ŭ składzie miratvorčych sił. Adnak Varšava hatovaja praciahvać łahistyčnuju, finansavuju, humanitarnuju i vajskovuju padtrymku Ukrainy.
Pavodle słoŭ prezidenta Ukrainy Uładzimira Zialenskaha, Ukrainie ŭdałosia istotna prasunucca ŭ pytańni stvareńnia kantynhientu zamiežnych vajskoŭcaŭ na svajoj terytoryi. Heta nibyta moža stać pieršym krokam da stvareńnia Abjadnanych uzbrojenych sił Jeŭropy.
Brytanija moža adpravić vojski va Ukrainu dla padtrymańnia miru
Ministr abarony Niamieččyny: Lepš by ZŠA nie išli na sastupki da pačatku pieramoŭ
Sikorski prakamientvaŭ vierahodnaść stvareńnia abjadnanaha jeŭrapiejskaha vojska
«Budziem adkrytyja: kali nie Brusel, to Maskva». Zialenski ŭ Miunchienie vystupiŭ jak ideołah mocnaj abjadnanaj Jeŭropy
ZŠA dali zrazumieć Ukrainie, što hatovyja raźmiaścić u krainie vojski ŭ abmien na dostup da 50% jaje karysnych vykapniaŭ
«Horš za Miunchien». Reakcyja jeŭrapiejskich palitykaŭ na zajavy Trampa ab pieramovach z Pucinym
Kamientary
Nu raz hotovy prodiemostrirovať siłu. to začiem priataťsia v tył?