Za hałoŭny pryz Bierlinale na 75-m pa liku Bierlinale 2025 hoda spaborničali 19 filmaŭ. «Załatoha miadźviedzia» atrymaŭ film «Mary» režysiora z Narviehii Daha Jochana Chaŭhieruda. Hety film — častka tryłohii (pieršyja dźvie častki nazyvalisia «Seks» i «Kachańnie»).
U filmie-pieramožcy raskazvajecca pra 17-hadovuju Jaanu, jakaja zakachałasia ŭ svaju nastaŭnicu francuzskaj movy. Kab vykazać svaje pačućci, jana pačynaje vieści dziońnik. Kali jaje zapisy znachodziać maci i babula, to ichni pieršapačatkovy žach źmianiajecca zachapleńniem ad taho, jak dobra Jaana piša.
Vialiki pryz žury «Srebrany miadźviedź» uručyli filmu «Błakitnaja ściežka» (O último azul) brazilskaha režysiora Habryela Maskara. Jahonaja hierainia admaŭlajecca žyć u kałonii dla pažyłych ludziej i kirujecca ŭ padarožža pa Amazonii.
Druhoha «Srebnaha miadźviedzia» žury atrymała karcina «Paviedamleńnie» (El mensaje) arhiencinskaha režysiora i apieratara vieniesuelskaha pachodžańnia Ivana Funda. Heta film pra dziaŭčynku, jakaja vałodaje zvyšnaturalnymi zdolnaściami i zdolnaja razumieć movu žyvioł.
Uznaharody taksama atrymali:
- za «tvorčy ŭniosak» — «Ledzianaja vieža» (režysior Lusil Chadzichaliłavič z Francyi);
- za lepšy scenar — «Kantyniental 25» (režysior Radu Žude z Rumynii). Hierainia hetaha filma, sudovy prystaŭ, pieražyvaje z-za taho, što čałaviek, jakoha jana vysialała z domu, skončyŭ žyćcio samahubstvam;
- za najlepšuju rolu druhoha płana — Endru Skot za rolu ŭ filmie «Błakitny miesiac» (režysior Robiert Linklejter);
- za najlepšuju hałoŭnuju rolu — aŭstralijka Roŭz Birn za rolu ŭ filmie «Kali b u mianie byli nohi, ja b ciabie šturchnuła» (režysior Mery Branštejn);
- za najlepšuju režysuru — kitajski režysior Cho Men za siamiejnuju sahu «Žyćcio na ziamli»;
- za najlepšy dakumientalny film — «Abdymajučy Liat» Brendana Kremiera. Heta historyja izrailcianki, vykradzienaj bajevikami CHAMAS 7 kastryčnika 2023 hoda.
Pryz hladackich simpatyj u siekcyi «Panarama» atrymaŭ film «Hłuchija» ispanskaj režysiorki Jevy Libiertad. Pavodle jaho siužetu, hłuchaja žančyna i jaje partnior biez prablem sa słycham čakajuć naradžeńnia dački. Ale ci budzie čuć jana?
Hanarovy «Załaty miadźviedź» za ŭkład u kinamastactva byŭ uručany ŭ dzień adkryćcia fiestyvalu brytanskaj aktrysie Tyldzie Suintan.
Sioleta ŭ Bierlinale ŭdzielničaŭ taksama film biełaruskaha režysiora Juryja Siamaški «Lebiadzinaja pieśnia Fiodara Ozierava», i jon taksama atrymaŭ uznaharodu ad čytackaha žury niamieckaj haziety Tagesspiegel. Hetaja ŭznaharoda prysudžajecca z 2007 hoda najlepšamu filmu ŭ siekcyi Forum Bierlinskaha kinafiestyvalu.
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali23
Kamientary