Žančyna ŭ Kobrynie niadaŭna naviedała dziciačuju palikliniku pry balnicy. Tam jana źviarnuła ŭvahu na raskład pryjomu nieŭrołaha, piša «Lusterka».
Na videa, jakoje apublikavała ŭ tyktoku žančyna, pakazany hrafik pracy nieŭrołaha Hanny Radzievič. Śpiecyjalistka viadzie pryjom u paniadziełak, sieradu, čaćvier z 8:00 da 9:55, a ŭ aŭtorak z 9:00 da 12:51. Naviedać doktarku možna tolki pa tałonach, havorycca ŭ abjavie.
«Jak patrapić da nieŭrołaha, kali ŭ jaho taki režym pracy? Ja prosta ŭ šoku», — ździŭlajecca žycharka horada.
«Lusterka» patelefanavała ŭ daviedačnuju słužbu dziciačaj palikliniki Kobryna.
— Na sakavik tałonaŭ niama. Razdavali 18-ha čysła. 18 sakavika budziem vydavać na krasavik, — paviedamili tam. — Pa paniadziełkach i čaćviarhach [nieŭrołah] daje dziesiać dadatkovych tałonaŭ.
Eto tolko v Kobrinie takoje ?
Pa słovach supracoŭnicy, u hetyja dni tałony vydajuć u rehistratury. Padychodzić treba da 7:30.
U daviedačnaj słužbie ŭdakładnili, što Hanna Radzievič — adziny nieŭrołah u dziciačaj paliklinicy. Inšych śpiecyjalistaŭ niama. I, jak adznačyła supracoŭnica, novych nie čakajecca.
— U jaje tolki 0,25 staŭki. Jana ŭ nas jak zahadčyca, — dadała supracoŭnica.
Čamu ŭ horadzie z nasielnictvam 52 tysiačy čałaviek pracuje tolki adzin dziciačy nieŭrołah, adkazać nie zmahli.
Jak vyhladaje situacyja ŭ inšych rehijonach?
Za dva dni videa Viktoryi pahladzieli bolš za miljon razoŭ. Pad im — bolš za 1960 kamientaryjaŭ. Ludzi dzielacca svaimi mierkavańniami i raskazvajuć pra situacyju ŭ svaich paliklinikach. Voś niekalki kamientaryjaŭ:
- «U nas u Homieli (paliklinika № 14) trapić da endakrynołaha amal niemahčyma. Dva daktary, to na vučobie, to ŭ adpačynku, to na balničnym».
- «Ja paŭhoda sprabavała trapić [da nieŭrołaha]. Zapisvałasia za miesiac, prychodžu na pryjom, a mnie kažuć: doktar na balničnym (u kamandziroŭcy, na vučobie, na naradzie ŭ harvykankamie). U vyniku pajšła da hałoŭnaha doktara, i adrazu znajšoŭsia nieŭrołah. Ciapier treba znoŭ iści paśla abśledavańnia, a možna tolki pa nakiravańni ad terapieŭta. Vyrašyła — pajdu płatna».
- «Mnie treba było źniać švy ŭ chirurha. U jaho pryjom dźvie hadziny ŭviečary, ale jon siadzić tam da zakryćcia balnicy. Nie viedaju, dobra heta ci drenna».
- «U Mahilovie ŭvohule nie trapić. Tałony nie dajuć. Spačatku da terapieŭta, i jon užo vyrašaje, ci patrebien nieŭrołah».
- «U nas (majecca na ŭvazie adna ź dziciačych paliklinik Homiela) uvohule niama ni nieŭrołaha, ni aftalmołaha, ni artapieda».
- «Nasamreč, heta vialikaja prablema, što ŭ paliklinikach niama piersanału. U vyniku čałaviek nie moža atrymać biaspłatnuju dapamohu, na jakuju maje prava pavodle zakona».
- «Što vy chočacie? Heta vuzkaja śpiecyjalnaść, i staŭki vyznačajucca Ministerstvam achovy zdaroŭja! Usie pytańni — tudy».
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary