«Apošniaje papiaredžańnie». Tramp zapatrabavaŭ ad CHAMAS vyzvalić zakładnikaŭ u Hazie
Prezident ZŠA zapatrabavaŭ ad bajevikoŭ hrupoŭki CHAMAS nieadkładna vyzvalić usich zakładnikaŭ, jakich utrymlivajuć u siektary Haza, a taksama pakinuć terytoryju ankłava. Tym časam Bieły dom paćvierdziŭ, što ZŠA viaduć pieramovy z CHAMAS nakont zakładnikaŭ, piša Bi-bi-si.
«Vyzvalicie ŭsich zakładnikaŭ ciapier, a nie potym, i nieadkładna viarnicie ŭsie cieły zabitych vami ludziej, inakš vam kaniec. […] Nivodny člen CHAMAS nie budzie ŭ biaśpiecy, pakul vy nie zrobicie toje, što ja kažu», — napisaŭ jon u svajoj sacsietcy Truth Social.
«Heta vaša apošniaje papiaredžańnie! Što datyčycca kiraŭnictva [CHAMAS], to ciapier samy čas pakinuć Hazu, pakul u vas jašče jość šaniec. Taksama źviartajusia da žycharoŭ Hazy: vas čakaje vydatnaja budučynia, ale nie ŭ tym vypadku, kali vy budziecie ŭtrymlivać zakładnikaŭ. Kali vy heta zrobicie, vy pamrecie», — dadaŭ jon.
Tramp nie ŭpieršyniu pahražaje CHAMAS. Kali ŭ pačatku lutaha CHAMAS pryhraziŭ prypynieńniem vyzvaleńnia zakładnikaŭ, Tramp zajaviŭ, što ŭ takim vypadku dla bajevikoŭ «pačniecca sapraŭdnaje piekła».
Tady ŭ CHAMAS zajavili, što mova pahroz nie maje sensu i tolki ŭskładniaje situacyju.
Raniej u sieradu Bieły dom paćvierdziŭ, što ZŠA viaduć pieramovy z CHAMAS nakont zakładnikaŭ, choć dahetul Vašynhton paźbiahaŭ pramych kantaktaŭ z bajevikami. Pres-sakratar Biełaha doma Keralin Levit paviedamiła, što pierad pačatkam pieramoŭ ź Izrailem byli praviedzieny kansultacyi.
Pavodle źviestak krynic Bi-bi-si, pamiž pradstaŭnikami CHAMAS i ZŠA adbylisia dźvie sustrečy. Ciapierašnija kantakty možna nazvać niezvyčajnymi, ale nie biesprecedentnymi.
U krasaviku minułaha hoda adbyłasia jašče adna sustreča z pradstaŭnikami administracyi Bajdena dla abmierkavańnia pytańnia ab amierykanskich zakładnikach.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ18
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary