«Апошняе папярэджанне». Трамп запатрабаваў ад ХАМАС вызваліць закладнікаў у Газе
Прэзідэнт ЗША запатрабаваў ад баевікоў групоўкі ХАМАС неадкладна вызваліць усіх закладнікаў, якіх утрымліваюць у сектары Газа, а таксама пакінуць тэрыторыю анклава. Тым часам Белы дом пацвердзіў, што ЗША вядуць перамовы з ХАМАС наконт закладнікаў, піша Бі-бі-сі.
«Вызваліце ўсіх закладнікаў цяпер, а не потым, і неадкладна вярніце ўсе целы забітых вамі людзей, інакш вам канец. […] Ніводны член ХАМАС не будзе ў бяспецы, пакуль вы не зробіце тое, што я кажу», — напісаў ён у сваёй сацсетцы Truth Social.
«Гэта ваша апошняе папярэджанне! Што датычыцца кіраўніцтва [ХАМАС], то цяпер самы час пакінуць Газу, пакуль у вас яшчэ ёсць шанец. Таксама звяртаюся да жыхароў Газы: вас чакае выдатная будучыня, але не ў тым выпадку, калі вы будзеце ўтрымліваць закладнікаў. Калі вы гэта зробіце, вы памрэце», — дадаў ён.
Трамп не ўпершыню пагражае ХАМАС. Калі ў пачатку лютага ХАМАС прыгразіў прыпыненнем вызвалення закладнікаў, Трамп заявіў, што ў такім выпадку для баевікоў «пачнецца сапраўднае пекла».
Тады ў ХАМАС заявілі, што мова пагроз не мае сэнсу і толькі ўскладняе сітуацыю.
Раней у сераду Белы дом пацвердзіў, што ЗША вядуць перамовы з ХАМАС наконт закладнікаў, хоць дагэтуль Вашынгтон пазбягаў прамых кантактаў з баевікамі. Прэс-сакратар Белага дома Кэралін Левіт паведаміла, што перад пачаткам перамоў з Ізраілем былі праведзены кансультацыі.
Паводле звестак крыніц Бі-бі-сі, паміж прадстаўнікамі ХАМАС і ЗША адбыліся дзве сустрэчы. Цяперашнія кантакты можна назваць незвычайнымі, але не беспрэцэдэнтнымі.
У красавіку мінулага года адбылася яшчэ адна сустрэча з прадстаўнікамі адміністрацыі Байдэна для абмеркавання пытання аб амерыканскіх закладніках.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары