U adnym z rasijskich haradoŭ cynkavyja truny i čornyja pakiety dla miortvych ciełaŭ vykidajuć prosta na śmietnik
U horadzie Vołžski pad Vałhahradam vyjavili zvałku z cynkavymi trunami dla «hruzu 200», a taksama čornyja miaški i skryni dla transparciroŭki. U sacsietkach napisali, što havorka idzie pra pramzonu pad horadam, piša The Moscow Times.
«Zdajecca, heta skandał. Na pustku vykinuli truny. Miarkujučy pa śmiećci, vykinuła rytualnaje ahienctva, a čornyja pakiety jak byccam z-pad trupaŭ, vidavočna hruz 200 vykinuli», — vykazali zdahadku miascovyja žychary.
Krynica adnaho z rehijanalnych vydańniaŭ paćvierdziła fakt utvareńnia zvałki z «hruzam 200», što prymianiajecca pry dastaŭcy dla pachavańnia ciełaŭ zahinułych udzielnikaŭ vajny va Ukrainie. Pavodle jaje słoŭ, da incydentu moža mieć dačynieńnie adna z bujnych rytualnych kampanij horada, «jakija pravodziać pachavańnia zahinułych na SVA na mohiłkach Vołžskaha». Ale nie vyklučana, što heta mahła być i niejkaja «drobnaja firma».
«Chutčej za ŭsio, sprabavali aščadzić na vydatkach na ŭtylizacyju», — skazała jana.
Na pustcy znajšli čornyja śpiecpakiety dla ciełaŭ, uskrytyja cynkavyja truny, abciahnutyja bardova-čyrvonym aksamitam, a taksama draŭlanyja skrynki, u jakich u takich vypadkach pieravoziać cieły, skazaŭ surazmoŭca.
«Usio heta adnosicca da adchodaŭ asablivaha kłasa niebiaśpieki i padlahaje abaviazkovaj utylizacyi ŭ śpiecyjalizavanaj arhanizacyi — u hetym vypadku ŭ śmiećcievaha rehijanalnaha apieratara», — adznačyŭ jon.
U administracyi Vołžskaha paviedamili, što na miesca prybyli supracoŭniki kantrolnaha ŭpraŭleńnia.
«Usio paćvierdziłasia. Sapraŭdy, tam cełaja zvałka trunaŭ z čornymi pakietami. Našy supracoŭniki adrazu vyklikali na miesca zdareńnia palicyju. Idzie raźbiralnictva», — raskazali ŭ pres-słužbie meryi.
Rasśledavalniki dali novuju acenku zahinułych rasijskich vajskoŭcaŭ na vajnie va Ukrainie
U rasijskaj vobłaści nazvali kolkaść tych, chto zahinuŭ na vajnie va Ukrainie. Jana našmat bolšaja, čym było viadoma pa padliku «Miedyjazony»
Viadomyja imiony 95 tysiač rasijan, jakija zahinuli na vajnie z Ukrainaj
U Kurskaj vobłaści zahinuŭ pieršy afrykanski najomnik, jaki vajavaŭ na baku Rasii
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»12
Kamientary