Jarmošyna pryznałasia, jakija zhryzoty sumleńnia ŭ jaje byli. Ale heta nie praz falsifikacyi
Byłaja staršynia Centralnaj vybarčaj kamisii Lidzija Jarmošyna raskazała, što joj nie davała adčuvać siabie spakojna paśla vychadu na piensiju.
U Lidzii Jarmošynaj pacikavilisia, jak jana siabie adčuvała ŭ pieršyja dni paśla vychadu na piensiju.
«U pieršyja dni ŭ mianie byli žachlivyja zhryzoty sumleńnia, asabliva rankami. Ja prasypałasia. Zrazumieła, ja čytała knižku, ja bałdzieła ad hetaha. I ŭ mianie byli zhryzoty sumleńnia — ludzi iduć na pracu, a ja tut valajusia»,
— pryznałasia Jarmošyna i raskazała, što da piensii jana rychtavałasia ŭvieś 2021 hod:
«Paśla taho, jak prajšli padziei 20-ha, ja ŭžo rychtavałasia da [sychodu]. Tamu heta (piensija. — NN) dla mianie — svaboda. Marks havaryŭ: «Svaboda heta ŭśviadomlenaja nieabchodnaść». (…) Ciapier ja praciahvaju žyć dastatkova cikava».
«U mianie vielmi šmat znosin. Heta znosiny z kalehami, byłymi kalehami. Heta prahułki, basiejn, čytańnie, teatr. Heta masa cikaŭnaściej. Nu, i zrazumieła Biełaruski sajuz žančyn»,
— pachvaliłasia svaim raznastajnym žyćciom na piensii Jarmošyna.
Kamientary