Ярмошына прызналася, якія згрызоты сумлення ў яе былі. Але гэта не праз фальсіфікацыі
Былая старшыня Цэнтральнай выбарчай камісіі Лідзія Ярмошына расказала, што ёй не давала адчуваць сябе спакойна пасля выхаду на пенсію.
У Лідзіі Ярмошынай пацікавіліся, як яна сябе адчувала ў першыя дні пасля выхаду на пенсію.
«У першыя дні ў мяне былі жахлівыя згрызоты сумлення, асабліва ранкамі. Я прасыпалася. Зразумела, я чытала кніжку, я балдзела ад гэтага. І ў мяне былі згрызоты сумлення — людзі ідуць на працу, а я тут валяюся»,
— прызналася Ярмошына і расказала, што да пенсіі яна рыхтавалася ўвесь 2021 год:
«Пасля таго, як прайшлі падзеі 20-га, я ўжо рыхтавалася да [сыходу]. Таму гэта (пенсія. — НН) для мяне — свабода. Маркс гаварыў: «Свабода гэта ўсвядомленая неабходнасць». (…) Цяпер я працягваю жыць дастаткова цікава».
«У мяне вельмі шмат зносін. Гэта зносіны з калегамі, былымі калегамі. Гэта прагулкі, басейн, чытанне, тэатр. Гэта маса цікаўнасцей. Ну, і зразумела Беларускі саюз жанчын»,
— пахвалілася сваім разнастайным жыццём на пенсіі Ярмошына.
Цяпер чытаюць
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай6
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары