Da siaredziny 2025 hoda tramvajny park Minska papoŭnicca jašče 20 tramvajami novaha typu, a nieŭzabavie jany źjaviacca i ŭ Viciebsku, raskazaŭ namieśnik hiendyrektara «BKM Chołdynh» Alaksandr Kazakievič.
Pieršyja dva ekzemplary takich tramvajaŭ źjavilisia na vulicach stalicy ŭ pačatku hoda, a niekalki taksama jeździać pa Mazyry.
Nizkapadłohavyja tramvai madeli T811 abstalavanyja vialikaj kolkaściu dźviarej. Heta paskaraje pasadku/vysadku. Sałon u madeli šyrejšy, a dla małamabilnych pasažyraŭ i asob pryjarytetnych katehoryj praduhledžanyja śpiecyjalnyja placoŭki ź sistemaj dla ŭtrymlivańnia i miescy dla siadzieńnia. U vahonie taksama jość kandycyjanier.
«Važna, što tramvaj stvaraje mienš šumu padčas ruchu ŭ paraŭnańni z papiarednimi pakaleńniami. U transpartnych srodkach praduhledžanyja USB-raźjomy dla zaradki mabilnych pryład, Wi-Fi, GPS i sistema aŭtamatyčnaha pažaratušeńnia. Tramvai abstalavanyja sistemaj videanazirańnia, što dazvalaje kiroŭcu kantralavać nie tolki abstanoŭku ŭ sałonie, ale i sačyć za situacyjaj zvonku», — pieraličyŭ dadatkovyja vyhody novaha tramvaja pradstaŭnik pradpryjemstva.
Jon taksama dadaŭ, što dla kiravańnia vahonam tut vykarystoŭvajucca elemienty bieśpiłotnaha kiravańnia. U pierśpiektyvie ŭzrovień bieśpiłotnaści budzie tolki pavyšacca. A pakul heta sistema «Antyson». Jana reahuje na stan kiroŭcy, a štučny intelekt dazvalaje abličboŭvać maršruty dla aŭtamatyčnaha rehulavańnia maksimalnaj chutkaści na učastkach darohi.
U pierśpiektyvie źbirajucca pamianiać uvieś ruchomy skład tramvajaŭ Minska. Stan puciej i infrastruktura dazvalajuć heta zrabić biez prablem.
Na «Biełkamunmašy» taksama paviedamili, što prykładna 95-98% ciapierašniaj pradukcyi pradpryjemstva idzie na ekspart. Vyklučeńnie skłaŭ 2024 hod, kali asabliva ažyviŭsia ŭnutrany rynak.
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie4
Kamientary