Zamiest biaskoncaj vajny — inviestycyi i dostup na rynak ZŠA. Tak pradstaviŭ ekanamičnuju častku płana Trampa jaho śpiecpradstaŭnik Styŭ Uitkaf u Davosie. Hetyja płany mohuć pieratvaryć Ukrainu ŭ hłabalny vytvorčy chab.
Śpiecyjalny pradstaŭnik prezidenta ZŠA Ściŭ Uitkaf, vystupajučy 22 studzienia na «Ukrainskim śniadanku» ŭ Davosie, zajaviŭ, što baki jak nikoli blizkija da zaklučeńnia pahadnieńnia ab spynieńni vajny va Ukrainie.
Pavodle jaho słoŭ, na hety momant zastajecca tolki adno niavyrašanaje pytańnie (imavierna, jano tyčycca kantrolu nad terytoryjami).
Jon adznačyŭ, što ŭčora da poźniaha viečara jon i inšyja čalcy amierykanskaj delehacyi praviali ŭ dyskusijach z ukrainskaj delehacyjaj. Abmiarkoŭvałasia ŭ tym liku adnaŭleńnie ŭkrainskaj ekanomiki. Uitkaf ahučyŭ ideju Donalda Trampa ab stvareńni pamiž Ukrainaj i ZŠA zony svabodnaha handlu biez pošlin. Na dumku amierykanskaha boku, heta kardynalna źmienić situacyju, spravakuje maštabny prytok pramysłovaści ŭ rehijon i daść Ukrainie vielizarnuju kankurentnuju pieravahu na rynku ZŠA.
Taksama abmiarkoŭvałasia stvareńnie svabodnaj ekanamičnaj zony ŭ Danieckaj vobłaści, choć status hetych terytoryj zastajecca sprečnym: Rasija pretenduje na ŭvieś rehijon, kantralujučy jaho na 70%.
Uitkaf paćvierdziŭ, što paśla sieryi intensiŭnych dyskusij z ukrainskaj delehacyjaj jon siońnia nakiroŭvajecca ŭ Maskvu na sustreču z Uładzimiram Pucinym.
Čakajecca taksama, što siońnia ŭ Šviejcaryi moža adbycca asabistaja sustreča Donalda Trampa i Uładzimira Zialenskaha.
Tym časam Uładzimir Pucin na pasiadžeńni Rady biaśpieki Rasii ŭpieršyniu dapuściŭ mahčymaść vykarystańnia srodkaŭ z zamarožanych rasijskich aktyvaŭ dla adnaŭleńnia ŭkrainskich terytoryj, paciarpiełych u chodzie bajavych dziejańniaŭ. Jon nie ŭdakładniŭ, jakija mienavita terytoryi majucca na ŭvazie, ale paćvierdziŭ hatoŭnaść razhledzieć hetaje pytańnie paśla padpisańnia mirnych pahadnieńniaŭ.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja64
Kamientary
Pry Ukrainie svabodnaja ad Zakon Prava terytoryja " hulaj pole" z daneckim kałarytam hopnikaŭ cipa błatnych
Zaraz akupavanaja terytoryja biezładzia dadajem dziki zachad z kałarytam ašukancaŭ Viťkaf Kušnir jašče panikoŭski šura bałahanaŭ Astap biendzier
Raskvitnieje heta " zona")))