Boty abvierhli najaŭnaść smohu ŭ Minsku. Pačytajcie: śmiechata!
Infarmacyju sinoptykaŭ pra toje, što apošnimi dniami ŭ Minsku zachoŭvajecca pavyšany ŭzrovień zabrudžvańnia pavietra, ułady paličyli niavyhadnaj dla siabie. U kamientary pad adpaviednymi rolikami ŭ tyktoku nalacieli boty-prapahandysty.
Pavodle źviestak Biełhidramieta, 20—21 studzienia ŭ Minsku fiksavalisia pieravyšeńni hihijeničnych narmatyvaŭ zabrudžvańnia pavietra. Heta było źviazana ź mietearałahičnymi źjavami: nie było vietru, a jašče i inviersii pavietra nie było, bo pavietra kala ziamli było chaładniejšym, čym u vyšejšych słajach atmaśfiery.
Ale boty atrymali zahad dakazać, što akramia źjavaŭ ščaścia nijakich inšych źjavaŭ niama. «Hulaju kožny dzień, ničoha nie zaŭvažaju» — takija adnatypnyja kamienty źjavilisia adnačasova.
«A my hulajem va Uruččy kožny dzień. Atrymlivajem asałodu ad zimovaj pryhažości, nadvorja. Padobnaha nie zaŭvažyli», «Žyvu pamiž Uruččam i Radyjalnaj, hulaju doŭha kožny dzień, ničoha niezvyčajnaha nie zaŭvažyła. Śviežaje maroznaje pavietra!!!» — pišuć boty i zapeŭnivajuć: «Usio ŭ nas vydatna, nie prydumlajcie».
Inšyja śćviardžajuć, što dychajecca im «šykoŭna», a paviedamleńni pra drennuju jakaść pavietra nazyvajuć «poŭnaj łuchtoj»:
«Siońnia hulali pa vulicy, dychałasia šykoŭna».
«Poŭnaja łuchta!!!!!»
«Poŭnaja łuchta, jak dychałasia, tak i dychajecca… Rezki pierapad tempieratury, voś šerań i źjaviłasia…»
«Nijakaha smohu niama».
Imavierna, boty zładzili i pierakličku rajonaŭ.
«Žyvu va Uruččy, i narmalnaje ŭ nas pavietra. Narmalna dychajecca, marozna. Nie treba prydumlać kazki i nahniatać. Usio ŭ nas dobra jak u Minsku, tak i va ŭsioj krainie».
«Leninski rajon. Narmalna ŭsio».
«Narmalna ŭsio, Zavodski rajon».
«Va Uruččy ŭsio narmalna».
«Ničoha padobnaha va Uruččy niama. Žyvu va Uruččy. Adkul vy heta vykapali?»
«Cikava!!! Siońnia byŭ va ŭsich rajonach Minska!!!! Usio vydatna! Maroz i sonca!!! Kamu tam ciažka dychać???»
«Partyzanski rajon… usio dobra… Śviežaje maroznaje pavietra».
Miž tym zvyčajnyja ludzi pisali zusim inšaje:
«A ja dumaju, čamu va Uruččy pach, jak u aŭtamajsterniach».
«Rajon Biblijateki — uvieś dzień niama čym dychać. Tolki da viečara trochi adstupaje».
«Na Kamiennaj Horcy taksama».
«Na Radyjalnaj žach».
Niekatoryja karystalniki navat dzialilisia skrynšotami sa svaich hadžetaŭ z danymi pra jakaść pavietra.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»9
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary